Polisie lê beslag op televisie
Groot-Brakrivier-polisie het onlangs beslag gelê op ‘n 42" plasmaskerm-televisie nadat dit by ‘n huis in Greenfields, Wolwedans gevind is. Volgens inligting is die televisie in Hartenbos gesteel en kan dit moontlik verband hou met ander gesteelde goedere waarop polisiebeamptes op 2 September beslag gelê het.
Persone met inligting word gevra om ao Sias Weyers te kontak (044 620 8308/9). Alle inligting sal as vertroulik hanteer word.