Geliefde polisieman tree af
'n Geliefde polisieman van die Mosselbaai-polisiestasie tree af.
Adjudant-offisier Edward Benjamin het in Augustus
60 jaar oud geword en die polisiediens onlangs verlaat.
Volgens Benjamin gaan hy en sy vrou voortaan in Calitzdorp woon. Benjamin was naskool verbonde aan die SAKK in Eersterivier waar hy as 'n korporaal grensdiens verrig het.
In 1990 het hy by die polisiestasie in Calitzdorp aangesluit waarna hy in 2009 na die Mosselbaai-polisiestasie verplaas is. Benjamin is 'n pa van twee en oupa van vyf en het as die visuele polisiëringskofbevelvoerder onder leiding van kapt Seppie September en die stasiebevelvoerder, lt kol Albert Haggard homself as 'n eerlike en hardwerkende leier met integriteit bewys.
Volgens kapt September laat Benjamin 'n groot leemte by die Mosselbaai-polisiestasie. Op sy beurt bedank Benjamin lt kol Haggard, kapt September en kapt Tekkie van Rensburg vir die invloed wat hulle op sy lewe gehad het.