Moet Mosselbaaiers werklik water spaar?
Flip du Plessis, skryf:
In verskeie koerante en omsendbriewe maan die DA uitvoerende burgemeester van Mosselbaai, mnr Levendal, dat water gespaar moet word of daar sal drastiese optrede teen watermisbruikers volg.
Die groter Mosselbaai gebruik buite seisoen 15 Megaliter water per dag.
Water word uit die damme voorsien. Waarom kan die ontsoutingsaanleg wat in Voorbaai nie in gbruik word om die damme vol te pomp en vol te hou nie. Die aanleg het die munisipaliteit en sy belastingbetalers R210 miljoen gekos. Die aanleg het ‘n vermoë om 15 Megaliter ontsoute water per dag te lewer. Daarbenewens is daar drie boorgate wat 1.5 Megaliter water per dag lewer.
‘n Derde (?) van die ontsoutingaanleg behoort aan PetroSA en die tru-osmose wat by die riool aanleg gebruik word vir watersuiwering, voorsien vyf megaliter per dag, wat aan PetroSA gaan. Dit is al die voorsorg wat die munisipaliteit getref het om droogtetye te oorleef.
Ek stel voor dat die ontsoutingsaanleg en boorgate ontgin moet word deur Mosselbaaimunisipaliteit om buurdorpe en munisipaliteite met water te help. Natuurlik teen ‘n prys. Die noodtariewe wat in Mosselbaai gehef word, kan geld om die water aan ander dorpe te voorsien. Ook sal die ekstra inkomste tot voordeel van die belastingbetaler wees. Dit kan die munisipale heffings op onder meer rommelverwydering en -bestuur subsidieer.