Top ooie ingeskryf
Elri de Jager van Swartklip, Albertinia en Petra en Thys du Toit van Buffelsfontein, Mosselbaai was die algehele wenners in onderskeidelik die merino- en Dohne merinoafdelings tydens die jaarlikse George kuddeevalueringkompetisie wat op 25 Augustus op die George-skougronde plaasgevind het.
Dit was die 33ste keer wat dié kompetisie aangebied is en was dit weer eens 'n groot sukses ten spyte van groot droogte in die streek. Daar was twee groepe onder beoordeling naamlik merinos en Dohne merinos. Tien deelnemers het elk agt ooie ingeskryf. Die gehalte van die ooie was baie goed en die uniformiteit tussen ooie uitstekend. Die kompetisie is deur Gawie van Wyk (NWKV - Carnarvon) en Corné Nel (BKB skaap- en woladviseur - Beaufort-Wes) beoordeel terwyl Jannie Fourie (NWKV - Caledon ) die punte verwerk het.
Pieter Aucamp en Hennie Senekal van BKB Mosselbaai en Riversdal het gehelp met reëlings en Gerhard du Toit en Deon Greyling van BKB-skeerdiens het die dag afgesluit met 'n skeerdemonstrasie wat almal baie geniet het. Die uitslae was soos volg:
Merinos
Algehele wenner: Elri de Jager van Swartklip, Albertinia met Willem Oosthuizen van Môreson, Albertinia tweede
Beste ooi: Elri de Jager en Willem Oosthuizen tweede
Beste wol: Elri de Jager met Saag Jonker Familie Trust van Schoonberg, Herold tweede
Beste bouvorm: Elri de Jager met Willem Oosthuizen tweede
Beste vordering: Gus du Toit van Grootfontein, Herold met Saag Jonkerfamilietrust tweede
Beste kortwolgroep: Elri de Jager met Willem Oosthuizen tweede
Dohne merinos
Algehele wenner: Petra en Thys du Toit van Buffelsfontein, Mosselbaai met Henry Meyer van Pleasant View, Hartenbos tweede Beste ooi: Petra du Toit eerste en tweede Beste wol: Petra du Toit met Henry Meyer tweede
Beste bouvorm: Henry Meyer met Petra du Toit tweede
Beste kortwolgroep: Henry Meyer met Johan Coetzee van Lamond Bdy, Mosselbaai tweede
Beste vordering: Henry Meyer met George van Reenen van Ganzekraal, Herold tweede