Triton-hengelklub hou prysuitdeling

Triton-hengelklub, die 2016/17-kampioene van die Eden-hengelvereniging het op 26 Augustus hulle jaarlikse prysuitdeling gehou waartydens hengelaars vir hulle prestasies vereer is.

Die top hengelaar van die jaar is André Els. Hy het ook die prys ontvang vir die grootste oneetbare vis gevang - 'n koperhaai (bronsie) van 141.47kg.Die top o/21-hengelaar is Alex Smidt terwyl Phillip van Niekerk die prys ontvang het vir die grootste eetbare vis gevang - 'n mosselkraker van 8kg.

Die prys vir die meeste vis gevang, 57 visse, is aan Banie Vermeulen toegeken. Luan

Els is die top o/16-hengelaar en Wilma Venter die top vrouehengelaar van die jaar.

Die trofeë is deur die voorsitter van Triton-hengelklub, Steve Denny aan die onderskeie presteerders oorhandig. Paul Kruger het die prys ontvang vir beste vordering.

André Els (regs) word deur die voorsitter van Triton-hengelklub, Steve Denny geluk gewens met sy prestasie as kampioenhengelaar van Tritonhengelklub vir die 2016/17-seisoen.

Phillip van Niekerk spog met die prys vir die grootste eetbare vis van die seisoen wat hy gevang het.

Alex Smidt is Tritonhengelklub se top o/21-hengelaar vir 2016/17 seisoen.