Groot kykplesier by Sportfees
Vanjaar gaan verskeie kampioenskapsbyeenkomste deel vorm van die jaarlikse Mosselbaai Sportfees.
Benewens die Vroue Gholf-Nasionale kampioenskappe wat 'n hoogtepunt van die sportfeesprogram is, heers daar ook groot opgewondenheid oor die Suid-Afrikaanse Kusstreke gewigoptelkampioenskappe wat tydens die Sportfees by Eden Fitness by
5 Lofty Nelstraat in Voorbaai op 23 en 24 September aangebied sal word. Op beide dae begin die program om 08:00.
Hierbenewens is dit vanjaar die 19de KFC Punt Krieketfees waarby 26 skole vanoor SuidAfrika sal deelneem.
Die fees het ontstaan uit 'n behoefte om ‘n platform te vir die ontwikkeling van die spel in die SWD te skep waar die bou van vriendskappe vooropgestel kan word. Boonop bied die geleentheid die ideale geleentheid vir die bevordering van Mosselbaai in die breë.
Oor die jare het die fees van krag tot krag gegroei tot waar wedstryde nou in Oudtshoorn, George en Mosselbaai gespeel word. Die afgelope twee jaar is na afloop van die krieketfees ‘n feesspan gekies wat in samewerking met Travel Sport twee suksesvolle toere na die buiteland afgelê het.
Die krieketfees sal plaasvind vanaf 29 September tot 3 Oktober.