Da Gamaskop bly op hoogte
Die Da Gamaskop-polisie hou hul vinger op die pols wat misdaadtendense en - voorkoming betref deur gereelde vergaderings met buurtwagte en subforums in die stasie se bedieningsarea.
Luitenant-kolonel Chris Meiring, visuele polisiëringshoof van die Da Gamaskoppolisie, vergader gereeld met sy sektorbevelvoerders, asook die sosiale misdaadvoorkomingsbeampte ten einde op hoogte van tendense te bly. Die span het ook ‘n nuwe administratiewe koördineerder verwelkom. Zaretha van Eyck sluit
by die stasie se personeel aan na 24 jaar diens aan die departement van justisie. Sy het ‘n oorplasing na die SAPD aanvaar. Die span is soos volg:
Sektor 1 - kst Ludumo Dyasi (082 778 7308). Hierdie area strek vanaf Mayixhalestraat en aangrensend aan Louis Fourieweg tot by Mikeva en teenaan die Kloof wat grens aan Tarka, insluitend Westonstraat, De Bakke (uitsluitend die De Bakkechalets) tot by Boland Park.
Sektor 2 - ao Hein Meyer (079 894 1647). Hierdie area sluit in Diasstrand, die Voorbaai industriële gebied, Bayview, Island View, Aalwyndal en die vliegveld, Hartenbos, Hartenbos Heuwels, asook Sonskynvallei.
Landelike sektor - ao Pierre Botha (079 879 9093). Hierdie area sluit in alle plase tot by Ruiterbos, asook vanaf Brandwag, aangrensend aan KwaNonqaba en Herbertsdale.
Enige persoon wat belangstel om meer oor sektorbedrywighede te weet, kan met enige van die sektorbevelvoerders kontak maak.
Die sosiale misdaadvoorkomingsbeampte, sers Johnathan Jansen kan gekontak word by die Da Gamakop-polisiestasie (044 606 2200).