Vroue leer oor clivias
Die Vrouelandbouvereniging van Klein-Brakrivier het onlangs meer oor cliviaplante geleer. Die clivia-kenner, Willie Freund van Fraai Uitsig, KleinBrakrivier het sy kennis van clivias met VLV-lede gedeel. Dié inheemse wonders, ook bekend as boslelies, kondig die koms van die lente met bottergeel of helderoranje blomme aan en spog deur die jaar met lieflike groen loof. Baie tuiniers beskou dié plante as ’n seëning omdat hulle van die min spesies is wat dolgelukkig in die diep skaduwee onder groot bome sal groei. Elke VLV-lid het ‘n pakkie cliviasaad ontvang.