Night of a 1000 arts
Kunsliefhebbers kan uitsien na 'n besonderse fondsinsamelingsgeleentheid by Curro Mosselbaai se Night of a 1000 arts vanaand, 13 Oktober. Die skool bied die geleentheid vanjaar vir die derde keer aan.
Die geleentheid, gehou in die skoolsaal, Seemeeustraat, Heiderand vanaf 18:0020:00 word gekenmerk deur die uitstal van skilderye en ander kunswerke deur gevestigde kunstenaars en ook van die Curro-leerders se werk, insluitend Curro Castle, die grondslag- en intermediêre asook die hoërskoolleerders.
Van die skool se opvoeders en ook ouers, het werke op uitstalling. Alle kuns, kan teen billike pryse aangekoop word.
Die aand het 'n Italiaanse tema en lasagne word verkoop, terwyl rustige jazz-musiek gespeel word.
Later die aand is daar 'n veiling van kunswerke. Lootjies word ook deur die loop van die aand verkoop vir die wen van 'n skildery.
Kinders word ook na die geleentheid uitgenooi om te kom saam inkleur. Hierdie kuns word verwerk in 'n spesiale pragstuk, getiteld Kids Art 2017.
Navrae kan gerig word aan die skool (044 693 3488 of 082 224 3865).