Seniors by Sportfees
Senior burgers vanuit die groter Mosselbaai het weer hierdie jaar deelgeneem aan die jaarlikse Sport- en Rekreasiefees.
Tientalle opgewonde spanne, wat verskeie tehuise vir bejaardes verteenwoordig, het in die Mosselbaai-stadsaal byeengekom om deel te neem aan verskeie binnenshuise sport items.
Die spanne het in goeie gees kompeteer en met die reuk van heerlike pannekoek en die klank van boeremusiek, was die atmosfeer hartlik en gesellig. Daar is selfs so bietjie gedans wat 'n ware feestelikheid aan die byeenkoms verleen het.