Voedingsprojek vind baat
Mariki du Preez, skryf: Mosterdsaadjie-voedingsprojek het op 30 September 'n fondsinsameling by die Woord in Waarheid-bedieninge in Voorbaai gehou en dit was 'n reusesukses.
Ons wil baie dankie sê aan elkeen van ons borge, almal wat 'n kaartjie geborg het en elkeen wat opgedaag het.
Lizette Janse van Rensburg het ons so geseën met haar optrede en daar was nie 'n droë oog in die plek nie. Dankie ook aan elkeen wat nie-bederfbare voedsel gebring het. Ons het oor die 170 blikkieskos, asook heelwat ander nie-bederfbare voedsel ontvang vir die meer as 60 families wat maandeliks kospakkies kry.
Indien u 'n bydrae wil maak tot die voedingsprojek, kontak Marietjie (083 686 6956).