Khat by George-man gevind

Die KwaNonqaba-polisie het die afgelope naweek tydens 'n roetine ondersoek van voertuie in Adriaansweg, Aslapark, 'n groot hoeveelheid van die dwelm khat by 'n man wat van George afkomstig is, gevind.

Reserviskonstabel Wildschutt het om 02:05 op 7 Oktober by 'n voertuigkontrolepunt die motor voorgekeer en deursoek toe sy 11 verpakkings van khat by die 33-jarige man van Sandkraalweg in George gevind het.

Die verdagte is in hegtenis geneem vir die besit van khat en sal vandeesweek in die Mosselbaai-landdroshof verskyn.

Reserviskonstabel Wildschutt se oplettendheid het die afgelope naweek tot die arrestasie van ‘n 33-jarige man, wat khat in sy besit gehad het, gelei.