Boer se vermeende moordenaar in hof
Die persone wat by die ondersoek ter plaatse op die plaas Outeniquabosch betrokke was is voor van links: die ondersoekbeampte in die saak, ao Richard van Eyk, data-analis, ao Anna van Niekerk, staatsaanklaer Christhénus van der Vijver, regter Robert Henney, adv Harold Davids en heel voor, die Tolmans se huishulp, Fransiena Snyman. Die beskuldigde loop agter regter Henney.
‘n Ondersoek ter plaatse is Woensdag, 11 Oktober op die plaas Outeniquabosch gehou waar die eienaar van die plaas, Freddie Tolman (54) in die vroeë oggendure van 17 Desember 2014 deur ses mans voorgelê en doodgeskiet is. Die enigste van die ses mans wat sedertdien in verband met die moord op Tolman in hegtenis geneem is, Lamlani Booi (34) het Woensdag regter Robert Henney, die nasionale vervolgingsgesag en sy verdedigingspan na die plaas Outeniquabosch naby Hartenbos, vergesel.
Die verhoor in die rondgaande hooggeregshof op Mosselbaai het op Maandag, 9 Oktober begin. Die staat het Tolman se vrou, Mariana as hul eerste getuie geroep. Mariana het aan die hof gesê dat sy op die oggend van haar man se dood met godsdiens besig was toe sy om ongeveer 06:15 geweerskote gehoor het. Kort daarna het ‘n huiswerker van die Tolmans, Fransiena Snyman (48) by die plaashuis ingestorm en vir Mariana gesê: “Mevrou, daar is mans wat meneer (Tolman) jaag met guns.”
Tolman is langs die R328-pad (Hartenbos-Oudtshoornpad) wat duskant die plaas is, dood in sy bakkie aangetref. Hy het twee skietwonde gehad. Nie sy beursie of selfoon is gesteel nie. Snyman, die staat se tweede getuie het aan regter Henney gesê, op die oggend van die moord het ‘n taxi haar langs die R328-pad afgelaai. Snyman het met die grondpad in die rigting van die plaashuis gestap toe Tolman in sy wit bakkie aangery kom. “Ek het hom gegroet maar hy het nie teruggegroet nie. Hy het vinnig verby my gery in die rigting van die teerpad.” Volgens Snyman het daar sekondes later minstens ses mans verby haar gehardloop, in die rigting van Tolman se bakkie.
“Een van hulle het ‘n gun in sy hand gehad.” Die verdagtes het van die misdaadtoneel na die R328-pad gevlug, waar hulle ‘n voertuig met twee insittendes gestop het. Die bestuurder van die voertuig het in die verhoor getuig dat die verdagtes hom en sy passasier uit die voertuig gedwing en die voertuig gekaap het. Tydens die ondersoek ter plaatse het Snyman aan regter Henney sekere uitwysings op die grondpad gemaak.
Selfoonrekords beduidenddend
‘n Polisiebeampte van Worcester, ster, opgelei in die forensiese analise e van selfoonrekords, ao Anna van Niekerk ekerk het kort voor die ondersoek ter plaatse getuig dat ‘n MTN-selfoontoring naby die Tolmans se plaashuis, ‘n selfoonfoon wat na bewering aan Booi behoort,oort, in die selfoontoring se geografiese ese opvangsgebied geregistreer het. t.
Volgens data vanaf die basisstasie tasie is oproepe na én van Booi se foon, vanaf 04:47 tot 06:31 in die e omgewing van waar die moorden kaping plaasgevind het, t, gemaak. Volgens inligting ligting verkry van ander er basisstasies inn die rigting van an KwaNonqaba,b was die foon gedurende ‘n tydperk van nege minute nadat die voertuig gekaap is, in die geografiese gebiede gebruik. Die gekaapte voertuig is later deur polisie in KwaNonqaba opgespoor waar dit verlate langs die pad gestaan het. Van Niekerk het getuig dat die foon vanaf 07:04 op die betrokke oggend geen verdere aktiwiteit getoon het nie waarna die simkaart wat vroeër deur die basisstasies geregistreer is, in die omgewing van KwaNonqaba in ‘n nuwe foon geplaas is. “Hy het dus van handstukke (selfone) verwissel.” Van Niekerk het aan regter Henney gesê dat die selfoon duidelik deur middel van die selfoonstasies se rekords naby die skiettoneel geplaas word. “Die rekords wys ‘n logiese patroon.” Op ‘n vraag van staatsaanklaer Christhénus van der Vijver of die moord en die kaping by die selfoonrekords inpas, het Van Niekerk “ja” geantwoord.
Die saak duur vanaf 23 Oktober tot 27 Oktober voort.
Foto’s: Cornelle Carstens