KORTNUUS / NEWS IN BRIEF
• Gebeure moet die Advertiser teen Dinsdae om 14:00 bereik.
• Happenings must reach the Advertiser by Tuesdays at 14:00.
BENEVOLENT PARK BEPLAN VERGADERING
Benevolent Park beplan 'n spesiale vergadering waartydens die veranderde grondwet bespreek sal word. Enigeen is welkom om die vergadering by te woon. Vir navrae stuur 'n e-pos na benevolent01@ telkomsa.net of (044 691 2481).
ARINA SE MOSSELBAAI-TUINKLAS
Arina se Mosselbaai-tuinklas vergader weer op 21 April om 09:00 by die seilklub op Mosselbaai. Beddingvoorbereiding vir pragtige lente- en winterblomme en bolle word bespreek. Dit sluit 'n videovertoning in. Kontak H den Boer (082 829 4909).
IQHAWE MILITARY VETERANS MEET
The vice-chair of Iqhawe Military Veterans, William Sam, invites veterans to the next veterans' meeting on Sunday, 22 April, where feedback from the Department of Military Veterans will be discussed. The meeting takes place at 15:00 at Highway Tyres. Contact either Sam (082 387 6340) or September Botha (078 6995953).
MAYFLOWER-KRIEKETKLUB HOU AJV
Die algemene jaarvergadering van Mayflower-krieketklub vind op 27 April om 12:00 in hul klubhuis in Langstraat plaas. Slegs bona fide-lede van die klub, dit wil sê persone wat se ledegelde is vir die jaar betaal is, sal stemreg hê. Ander belangstellendes is egter welkom om ook die vergadering bywoon en aan die besprekings deel te neem. Vir navrae kontak die sekretaris (076 801 5423).
MOSSELBAAI HOUTWERKERSGILDE
Die Mosselbaaise Houtwerkersgilde se volgende maandvergadering is Dinsdag, 8 Mei, en nie op 1 Mei, soos gewoonlik die eerste Dinsdag van 'n maand nie. Dit vind weer om 18:00 plaas by Sias Coetsee se huis in Katjiepieringstraat 27, Hartenbosheuwels. Vandeesmaand se onderwerp vir bespreking is fyn draaiwerk en alles wat daarmee gepaard gaan. Alle belangstellendes en lede van die Gilde is baie welkom om die aanbieding by te woon. Kontak Bertie Venter by 083 2817320 met navrae.
MOSSELBAAI CID VERGADER
Die Mosselbaai Sentrale Verbeteringsdistrik (The Mossel Bay Central Improvement District of CID) is 'n nie-winsgewende organisasie wat uit lede en grondeienaars binne die geografies afgebakende gebied in Sentraal Mosselbaai insluitend die hawegebied bestaan. Die organisasie hou hul algemene jaarvergadering op 8 Mei om 18:00 in die sysaal van die Mosselbaai Stadsaal. Tydens die byeenkoms sal die voorsitter van die direksie, mnr André Nel, 'n oorsig lewer van die aktiwiteite van die organisasie. Die finansiële state en die begroting vir die nuwe finansiële jaar sal bespreek word. Alle lede, grondeienaars binne die CID, asook belangstellendes wat graag insette in die middedorp se verbetering wil lewer, word uitgenooi.
TEELEPEL-BUFFETETE
Die ACVV Kenani-dienssentrum bied weer ‘n teelepeltjie-ete aan op Sondag,
13 Mei om 12:00 teen R90 per persoon. Kom geniet ‘n ete enig in soort. Jy mag net met ‘n teelepeltjie inskep, maar skep soveel keer jy wil." Daar is ‘n groot verskeidenheid geregte om van te kies en te keur. "Bring eie drinkgoed saam." Hierdie fondsinsamelingsprojek is ter ondersteuning van dienste wat aan die bejaardegemeenskap gelewer word. Kontak Susan Boshoff (044 690 3794) of Mariana Lategan (044 690 3204) om te bespreek.