Topposisies vir twee St Blaize-atlete
Twee van St Blaize RK Primêre Skool se atlete het stof in die oë van verskeie ander atlete geskop. Shaniqlin Buys en Clucydia Kriel het teen die atlete van 25 ander katolieke skole in die Bellville Velodrome deelgeneem en beide het goud en silwer in hulle onderskeie items behaal. Hierdie byeenkoms, wat ’n hoogtepunt is op die katolieke skole se kalender, volg op die uitdunrondes wat in elke biskoplike gebied in die Wes-Kaap aangebied word.