Roman’s Pizza - nóú afgelewer voor jou deur
Struikelblokke skep unieke geleenthede. Hiervan is Roman’s Pizza ‘n klinkklare voorbeeld, wat nou danksy ‘n wêreldwye gesondheidskrisis, aflewerings doen. In vlak 4 van die nasionale inperking vanweë Covid-19, het Roman’s anders as ooit tevore, met ‘n afleweringsdiens begin. Nou, in vlak 3, terwyl hulle soos normaal mag sake doen, dring hulle tevrede kliënte daarop aan, dat die afleweringsdiens beslis moet voortgaan.
Danksy hierdie nuwe diens is ‘n plaaslike huisvrou, Tanja Janse van Rensburg, in staat om ‘n inkomste te verdien. “Gedurende naweke is dit só besig, dat ek hulp moet inkry wat dus ook aan ander ‘n inkomste bied.”
Roman’s Pizza se eienaar, Hannes van Broekhuizen verduidelik dat hulle produk wat bekostigbaarheid betref, kwalik geklop kan word. “Neem byvoorbeeld ons spesiale aanbod. Vanaf Maandag tot Vrydag, tussen 10:00 en 15:00 kan kliënte enige twee groot pizzas vir R129.90 bestel. Voeg die huidige afleweringskoste van R40 by en jy betaal slegs R85 per pizza afgelewer by jou huis! Dis ‘n ware winskoop.”
Tanja geniet haar nuwe bedryf terdeë. “Kliënte is altyd bly om ‘n mens te sien. Ek het al ‘n klomp regulars. Veral die kinders is so opgewonde om my te sien wanneer ek ‘n stomende warm pizza aflewer.”
Hannes bedank alle kliënte vir hulle getroue ondersteuning, ook gedurende die grendeltyd. Vir Tanja is een van die hoogtepunte van haar nuwe werk om voortdurend nuwe mense te ontmoet. “Ek wil ook baie dankie sê aan almal wat gereeld ‘n footjie betaal,” sê sy knipoog.
Maak gerus geriefshalwe van Roman’s Pizza se nuwe afleweringsdiens gebruik. Kry waarde vir geld en lewer sodoende ‘n bydrae tot ‘n gesonde ekonomie waarin nuwe moontlikhede die deurslag sal gee.
Skakel Roman’s Pizza by 044 695 4332 of bestel aanlyn by www.romanspizza. co.za nou vir aflewerings van Danabaai tot Tergniet.