Skryf tog net agterstallige skuld af
Hiermee wil ICOSA ‘n dringende mosie indien om te versoek dat alle agtestallige skulde van inwoners wat gedurende Covid agtergeraak het as gevolg van die verlies van inkomste vanaf 1 April tot 30 September, soos wat verlede maand gedoen was toe besighede se skuld deur die raad afgeskryf was, ook afgeskryf moet word - of ‘n gedeelte daarvan.
ICOSA vra ook dat kerke en besighede wat swaar getrek het, en geen inkomste of ‘n gedeelte van hul inkomste ingekry het, ook in aanmerking moet kom vir afskrywing of ‘n gedeelte daarvan. ICOSA stel voor dat inwoners wat in aanmerking wil kom bewyse moet voorlê waarom hulle kwalifiseer vir afskrywing of ‘n gedeelte.
‘n Dringende versoek is ook dat die besighede wie briewe geskryf het, vir afskrywing wat op verlede maand se agenda was, bewyse moet lewer dat hulle ‘n verlies gelei het van inkomste, indien hulle dit nie doen nie, dat heroorweging aan die besluite van verlede maand geskenk moet word. tydens die maandelikse raadsvergadering in April, kort voor die aanvang van vlak 5 van die nasionale Covid-19 inperkingsfase, eenparig besluit op 'n pakket van finansiële verligting weens die Covid-19-pandemie vir verskillende geïdentifiseerde groepe van ons dorp.
Met die aanvang van vlak 5 van die nasionale Covid-19 inperkings, is vir alle besighede, sonder dat hulle aansoek moes doen, ‘n drie-maande rentevrye grasietydperk vir die betaling van die totale munisipale rekening toegestaan. Na dié periode is verdere vergunnings vir die betaling van agterstallige rekeninge rentevry toegestaan.
Individue wat weens Covid-19 hul werk of aansienlike persentasie van inkomste verloor het, is herhaaldelik aangemoedig om aansoek om deernisvoordele te doen en 'n omvattende kommunikasieprojek is geloods om inwoners van dié vergunning, wat onder meer beperkte gratis dienste insluit, in te lig. Dienste soos water wat weens agterstallige skuld op drup geplaas is, asook die onderbreking van elektrisiteitsvoorsiening omdat met elektrisiteitsmeters gepeuter is, is onmiddellik herstel sodat inwoners na hul gesondheid en veiligheid kon omsien.
Daar is spesifieke klem op huishoudings met gestremde persone en kinderhuishoudings gelê om hulle spesifiek tegemoet te kom.
Ook pensioenaris-inwoners is aangemoedig om aansoek om afslag te doen en het van dié vergunnings gebruik gemaak.
Die item wat onlangs voor die raad gedien het vir die afskryf van huurgelde vir diegene wat munisipale eiendomme huur, het die tersaaklik agtergrond en inligting bevat waarna raadslid Kamfer nou, verdagmakend, via die media vra. Dit terwyl hy volle toegang tot die munisipale administrasie het om hom met raad en daad by te staan. Die raadsbesluit was gegrond op die deeglike oorweging van alle tersaaklike feite en argumente. Tereg het besighede wat munisipale infrastruktuur huur, kwytskeldings van hul huurverpligtings en nie diensterekeninge nie, gekry. Hierdie groep sluit ook onder meer die besigheidslui in die munisipale besigheidsparke soos die Beehives in D'Almeida en KwaNonqaba in.
* Brief en repliek oorskry woordperk. - Red
Die interkom was daardie oggend in die Afrikaanse klas besonder skril. "Cornelle Carstens...kan jy asseblief na die kantoor toe kom... Cornelle Carstens, kom asseblief na die kantoor." Askar sê niks. Haar gitswart oë blits agter my aan tot by die klaskamer se deur waar die hoofseun my boonop inwag. "Kry ek nou nog begeleiding ook?" Sy mondhoeke roer nie eens vir 'n glimlag nie.
Dit was waarskynlik my eerste behoorlike kennismaking met die verskil tussen beroemd en berug wees.