Rustige Witsand op skilderdoek
Suid-Kaap Forum het die vyfde van ’n reeks skilderye wat die hoofdorpe in die Hessequa-streek uitbeeld, in ontvangs geneem.
Kunstenaar Francois Gunter van Witsand het op Vrydag, 9 Oktober sy uitbeelding van dié kusdorpie aan die kantoor oorhandig. ’n Skildery wat die essensie van Gouritsmond uitbeeld, sal binnekort ook sy plek in die kantoor inneem. Die vorige skilderye is deur Louis Hiemstra (Stilbaai), Louise Kluyts (Heidelberg), Des Smith (Albertinia) en Marilise Lombard (Riversdal) geskenk.