Plaasbasaar op Brandwag weer ‘n fees
Die NG Gemeente Brandwacht nooi almal uit na hulle plaasbasaar op Saterdag, 31 Oktober. Die basaar word gehou op die kerkterrein in Brandwag, sowat elf kilometer buite Hartenbos op die R328 na Oudtshoorn.
Die stalletjies maak om 09:00 oop. Daar is skaapafval tot basaarpoeding, roosterkoek tot braaivleis, hamburgers tot kerrie en rys en nog baie meer te koop.
Alles vars deur die gemeentelede self voorberei. Koffie, tee en iets soets daarby is die heel oggend in die teetuin beskikbaar. Die kindertent en groenteverkope is ook 'n moet.
"Ons het van die beste groenteboere denkbaar en alle produkte is van hoogstaande gehalte."
Vanaf 10:00 is tuisgebak beskikbaar en om 11:00, is 'n groot verskeidenheid vars vleis te koop.
"Ons vleis is ons trots."
Vir enige navrae, kontak gerus vir ds Tertius Conradie (082 921 8671).