Boggomsbaai kroon nuwe kampioen
Boggomsbaai-gholfklub het op 28 November sy geslote klubkampioenskap gehou. 'n Splinternuwe klubkampioen is gekroon.
Die jongste van die drie Pienaarbroers, Pienie, het Saterdag met die louere weggestap. Hy het sy twee ouer broers, Henk en Jaco, asook Malan Cronjé oor 27 putjies die stryd aangesê. Na 27 was hy en Henk gelyk met 116 houe. Pienie het egter sy staal getoon en op die eerste uitspeelputjie 'n voëltjie aangeteken om die titel voor sy oudste broer weg te raap. So word hy dan ook die derde Pienaarseun wat al die klubkampioen van Boggomsbaai-gholfklub was. Eers was dit Jaco in 2017, toe Henk in 2019 en nou hy.
'n Groot dankie gaan aan Elna Loubser van Gariep Finansiële Beplanners van Aliwal-Noord wat die pryse van die kampioenskap geborg het.
Die res van die klubspelers het oor 18 putjies in 'n B- en C-afdeling meegeding en beide van die afdelings is ook gewen deur spelers wat wat uitstekende gholf gespeel het.
Die volledige uitslae was soos volg:
A-afdeling
Beste brutotelling en klubkampioen: Pienie Pienaar 116
Beste nettotellings van die res: 1. Malan Cronjé 113; 2. Henk Pienaar 116 en 3. Jaco Pienaar 117
B-afdeling
Beste brutotelling: Johan Winterbach 79 Beste nettotellings van die res: 1. Philip Fourie 71; 2. Cassie Swanepoel 72; 3. Marius Loubser 75 en 4. Ernest Roux 77
C-afdeling
Beste brutotelling: Tinus Prinsloo 89 Beste nettotellings van die res: 1. Gerrie Gouws 72; 2. Willem du Plessis 73; 3. Hennie Pienaar 80 en 4. Van le Roux 82 Stablefordkompetisie: 1. Johan Winterbach 45; 2. Tinus Prinsloo 44; 3. Pienie Pienaar 41 en 4. Philip Fourie 37.
Die naaste aan die penne is gewen deur Johan Winterbach op 6/15 en Henk Pienaar op 9/18.
Die gholfklub bied môre, Saterdag 5 Desember 'n IPS-kompetisie aan wat deur Mosselbaai Toyota geborg word. Op 12 Desember is daar 'n 4BBB-kompetisie wat deur Jakkalsvlei Wyne geborg word, Julyan Bruyns borg op 16 Desember sy Moewiese Lekker Gholfdag en op 19 Desember borg Buffelsdrift Game Lodge van Oudtshoorn 'n IPS-kompetisie. Kontak vir André Beukes (082 460 0503) as jy wil saamspeel.