Musiekvonke spat behoorlik in museum

Dit is nou maar net eenmaal so - plaas vyf passievolle musiekkunstenaars in’ n vertrek en iets wonderliks móét gebeur.

Dit was ook inderdaad so toe ’n luister liedjie fees op Vrydag 7 Mei deur Jan de Wet en die Coffee Snobs in die produskie, Die storie agter die lied op die planke gebring is.

Jan de Wet het ver draaie gaan loop om die stories agter sy mees gewilde sekulêre musiek aan te bied en die Coffee Snobs se verhale en musiek was puik. Met Olive Sandilands se vernuf op klavier en trekklavier, saam met Johan Engelbrecht se sensitiewe vioolspel en perkussie, het die musiekvonke behoorlik gespat. Dié van ons wat in die Suid-Kaap woon kan met reg trots voel op hierdie talentvolle bekendes wat hier in ons midde woon.

Menige konsertganger het hul intense vreugde oor die nostalgiese en hoë kwaliteit konsert uitgespreek. Daar was selfs ’n Switserse toeris wat nie deur die Afrikaans geïntimideer was nie en die musiek geniet het met die kommentaar “…music is an international language…” beskryf. Die toeris het dit so geniet het dat hy selfs na die vertoning ’n Afrikaanse CD gekoop het. Vir diegene wat die konsert misgeloop het, wees gerus op die uitkyk vir ’n volgende konsert. Hierdie een het gewis die potensiaal om die hele land te reis.

Die eerste klassieke konsert wat deur die Mosselbaai Kunstevereniging aangebied word vind op Vrydag, 21 Mei in die Dias Museum plaas. Besprekings en navrae kan by Abé Meintjes (083 268 3718) gedoen word.