Eden hou suksesvolle tenniskampioenskap

Die Eden-tennisvereniging het ‘n suksesvolle Top Guns 2020/21- streek klub kampioenskap op die bane van die George- en Great-tennisklubs aangebied wat weer vir tennis uit die boonste rakke gesorg het.

Volgens Debra Hyde, president van Eden-tennis en toernooi direkteur, het vyf spanne in die A-Afdeling en agt in die B-afdeling meegeding. Die Deucebags van Great-tennisklub, Eduard Steyls (kaptein), Heike Janse van Rensburg, Maike Ferreira en Vincent Itodo, het die A-afdeling gewen met die Karoo Kinders van die Wesbank tennisklub in Oudtshoorn, Joshua Daniel, Jacques de Beer (kaptein), Christine van Coller en Rida Bester as naaswenners.

In die B-Afdeling was dit die Jaggernauts van George-tennisklub, Elvin Wentzel (kaptein), Wendy Crowther, Thea Malherbe en Andries Visagie wat met die louere weggestap het. Die Thunderbirds van Mosselbaai, Frank Loubser, Maretha Fourie (kaptein), Bernice Bezuidenhout en Willem Pretorius was die naaswenners.

Volgens Hy de het die toernooi skeidsregter, Marius Bezuidenhout van die Georgetennisklub, hom goed van sy taak gekwyt met die skedulering van al die wedstryde, terwyl die toernooibeampte by die Greattennisklub, ook alles vlot laat verloop het. Die twee wenspanne het elk prysgeld vir hul onderskeie klubs gewen wat in dié tyd nie te versmaai is nie.

Sy het namens Eden-tennis haar dank uitgespreek teenoor Growthpoint Eiendomme, asook vir Tennis Suid-Afrika (TSA) se voortdurende ondersteuning.

Die wenners van die A-Afdeling sal Eden-tennis later vanjaar by die nasionale klubkampioenskap by Sun City verteenwoordig.