Top gehalte atletiek het hoogtepunte opgelewer
Die Suid-Afrikaanse Christelike Skole Sportvereniging (SACSSA) se uitnodingingsbyeenkoms, wat op Saterdag, 16 September, as deel van die Mosselbaai Sport en Rekreasiefees aangebied was, het 'n paar groot hoogtepunte opgelewer.
Volgens Jannie Nel van Eden Athlete Management Services (EAMS), het gestremde atlete vir die eerste keer deelgeneem. Hierdie ekstra blootstelling was vir hulle baie goeie voorbereiding vir die 2024 South African Sports Association for Physically Disabled (SASAPD) kampioenskappe. Die gestremde atlete wat dan kwalifiseer staan 'n kans om dan aan die 2024 Parys Paralimpiese Spele deel te neem. Die deelnemers is Pieter Koekemoer, Patrick Saayman, Sakhele Sigenu en Sihana van Deventer.
Saterdag is die dienste van Prestige Acadamy gebruik om video toerusting te verskaf vir 'n video beslissing vir die baan items. Hierdie puik diens het verseker dat baanuitslae aan die akuraatste in die provinsie gesien kan word.
Tuisskool-atlete is tydens die byeenkoms geïdentifiseer om aan die komende Top 10-byeenkomste deel te neem.
Dit is die eerste keer wat daar
'n SACSSA span na die verskeie skolebyeenkomste in die provinsie sal gaan.
SACSSA is 'n organisasie wat sportaktiwiteite vir Christelike skole in Suid-Afrika organiseer en koördineer. Die doel van die SACSSA is om 'n platform te skep waarop Christelike skole in SuidAfrika kan saamwerk en meeding aan sportaktiwiteite op 'n Christelike grondslag. Die organisasie het 'n reeks sportsoorte wat aangebied word, insluitend rugby, krieket, hokkie, netbal, atletiek en swem. Die visie is om 'n omgewing te skep waarin leerders kan groei en ontwikkel as individue en as deel van 'n gemeenskap, terwyl hulle ook hul sporttalente kan uitleef.
Sonder die harde werk wat deur EAMS en Prestige Acadamy gedoen word, sou die tuisskolers nie hierdie geleenthede gekry het nie.