Hekka en Corrie se beste word vir laaste gebêre
Hekka Fourie het die afgelope naweek bewys dat hy nog genoeg petrol in die tenk oor het om tydens die Eden Wedvlugduiwe Federasie se laaste wedvlugte van die 2023-seisoen na 'n hoër rat oor te skakel.
Dié wedvlugte het vanaf Strydenburg (480km) plaasgevind. Hekka klop Corrie Naude in die Mosselbaai-klub se ope 1 wedvlug met ses sekondes. Die rolle word egter in die ope 2 wedvlug omgeruil met Corrie wat die eerste plek met sewe sekondes voor Hekka wegraap. Die sprint-wedvlug wat ook vanaf Strydenburg plaasgevind het, word deur Danie Barnard oorheers. Hy neem die eerste drie plekke asook 'n verdere vyf plekke onder die top-20 plekke in.
Tashinga Kadye wen beide die junior wedvlugte.
Uitslae
Ope 1: Hekka Fourie (1); Corrie Naude (2, 14, 18, 22, 23); Gillroy (3, 9); Boshoff RPL (4, 17, 27); Barnard Lofts (5, 8, 10, 11, 13, 26); Anouk (6, 12); Mollentze Hokke (7, 15. 25); Alfie Ladson (19); Le Grange Hokke (20, 21); 4 J Lofts (28); Sinkfontein Hokke (29); Daan Stander (30).
Ope 2: Corrie Naude (1, 15, 16, 25, 26); Hekka Fourie (2, 6, 21); Barnard Lofts (3, 7, 9, 12, 19, 29, 30); Gillroy (4, 8, 11, 22, 23, 28); Capes Lofts (5); Van Eeden Lofts (13); Boshoff RPL (17, 18); Parkeneers (27). Sprint: Barnard Lofts (1, 2, 3, 5, 6, 9, 10, 11); Gillroy (4, 7, 8, 12, 13, 20); Capes Lofts (14, 15, 18); Boshoff RPL (16, 17, 19). Juniors ope 1: Tashinga Kadye (1, 5); Zante Strydom (2, 6, 7, 8, 10); Marzaan van der Linde (3, 9); JW Schutte (4).
Juniors ope 2: Tashinga Kadye (1, 2, 8, 9); JW Schutte (3); Zante Strydom (4, 6, 7); Marzaan van der Linde (5, 10).