Eerste Trekfees lok 258 toutrekkers vanoor wye gebied
Die Trekfees, wat vir die eerste keer aangebied is as deel van die Mosselbaai Sport- en Rekreasiefees, het Vrydagaand, 20 Oktober, afgeskop met die internasionale skeidsregter, Melanie Smith, wat 'n beampteen skeidsregter-kursus aangebied het.
Die kursus was vir onderwysers, beamptes, aspirant-skeidsregters én afrigters van Eden. Terwyl die kursus aan die gang was, het spanne van buite die Eden-distrik by die koshuis van die Hoërskool Punt hul intrek geneem.
Spanne, wat in aksie was, het ingesluit kombinasies van
Pirates Kimberley, Landboudal, Jacobsdal, Swellendam Sekondêr en Robertson. Uit Eden se geledere was daar Oakdale, Shalom van Ladismith, Oudtshoorn Vaardigheidskool en Van Kervel Skool.
In totaal was daar 258 toutrekkers en nagenoeg 50 beamptes en afrigters.
Die konsep waarvolgens die fees plaasgevind het, is geskoei op die GENSB toernooi. GENSB is 'n toernooi wat in Europa gestig is deur "Germany, England, Netherlands, Switzerland en Belgium". Daarom staan dit sò bekend. Daar neem jaarliks nagenoeg 50 Internasionale spanne daaraan deel.
Eden Toutrek het egter dit so verander dat byna al die deelnemer op ‘n gepaste manier beloon was. Daar was vyf afdelings, die groot kampioene, plaat-, Bowl, Edenuitdaag en die skild trofee’s waarvoor spanne deelgeneem het.
Oakdale het soos verwag, as die groot
kampioen uit die stryd getree.
Twee baie belangrike trofeë was egter die Brakbak- en Katbak Trofeë wat vir beste “Gees” en oorspronklikste kleredrag toegeken was en Robertson en Pirates het dit onderskeidelik gewen.
Met die goedgunstige ondersteuning van Mosselbaai-munisipaliteit en Eden Toutrek Federasie (EDF), het atlete in al die afdelings medaljes verower.
Die Departement van Kultuursake en
Sport (DCAS), het vir die trekfees toue geborg as deel van hul bydrae en vir die wenspan (Oakdale), is een van die toue gegee. Met ‘n gelukkige wenner loting gedoen vir die ander tou, het Robertson gewen. Die derde tou het Eden Toutrek Federasie aan ‘n beginner Laerkool geskenk.
Mosselbaai sportfees, Mosselbaai Munisipaliteit, Die Punt Hoërskool saam met Eden Toutrek het hierdie wonderlike kompetisie moontlik gemaak.