Rolspelers reageer op geraasklagtes ná fees
In die nadraai van Matriekbaai is daar positiewe asook negatiewe terugvoer vanuit die gemeenskap.
Steven Montgomery, 'n inwoner van die omgewing rondom dié matriekfees, se ervaring val in die tweede kategorie. In 'n publieke Facebook-klag op 8 Desember het hy gesê hy en honderde ander in die Dias en Boland Park omgewing word elke aand van slaap en gesonde verstand ontneem weens die geraas - spesifiek tydens Matriekbaai, maar ook ander geleenthede wat in die omgewing aangebied word.
Met sy navrae aan die Mosselbaaimunisipaliteit het hy gesê hy kon nie veel uitgerig kry nie.
Volgens die munisipaliteit word ‘n geraasvrystelling permit uitgereik as deel van die goedkeuring van ‘n geleentheid, in terme van die WesKaapse Geraasbeheer Regulasies P.N 200/2013.
"Wanneer ‘n geraasvrystelling permit uitgereik word, beteken dit dat die aansoeker vrygestel word van voldoening aan geraasbeperkings wat gewoonlik van toepassing is op ‘n spesifieke area. Die vrystelling is slegs vir ‘n beperkte tydperk van toepassing. Voor ‘n permit toegestaan word vir ‘n geleentheid, moes die aansoeker eers in die plaaslike koerant geadverteer het of handtekeninge bekom het van omliggende inwoners in ‘n radius van 150 meter vanwaar die geleentheid aangebied gaan word," sê die munisipaliteit. Volgens die munisipaliteit was daar e-pos-kommunikasie met Montgomery
Op die feesterrein self sê hy daar was geen ernstige voorvalle nie.
op 12 Desember. Sy e-pos was spesifiek oor geraas vanaf 'n sekere hotel. In die munisipaliteit se terugvoer aan hom het hulle aangedui dat ‘n inspeksie gedoen is by die hotel en instruksie is gegee om dié geraasversteuring te staak.
Die munisipaliteit sê "die nodige aandag sal gegee word aan elke klagte wat dwarsdeur die munisipale area ten opsigte van geraasversteuring ondersoek word. Daar is vasgestelde desibelvlakke waaraan voldoen moet word en dit is ons doelwit dat daar altyd aan hierdie en enige ander wetlike vereistes gehoor gegee sal word."
Die organiseerder van Matriekbaai, Lian Fourie, het bevestig dat die geleentheid 'n geraasvrystelling ontvang het en dat dit ook vooraf in die koerant gepubliseer is. Ten spyte van dié negatiewe aspek, sê Fourie die geleentheid, met die gepaardhgaande Amfihart, was 'n reuse sukses.
"Die terugvoer van óúers is báie positief teenoor hul kids wat hier was en ons kry die beste terugvoer nog vanaf matrieks ensovoorts wat deel was die jaar."
Op die feesterrein self sê hy daar was geen ernstige voorvalle nie.
"Van Matriekbaai se kant af, prys ons al die partye wat 'n hand gehad het in die projek en sit spesiale klem veral op die lang nagte wat die buurtwag ingesit het om te help om die matrieks te beskerm.
"Ons sê ook baie dankie vir die munisipaliteit vir die geleentheid.
"Dit is baie duidelik dat die hele 10-dae projek 'n ekonomiese inspuiting van miljoene vir Mosselbaai beteken het oor dié periode."