Owezi-2020 ube unyaka onezithelo
ukuthi kuzomele sizilungisele ihhovisi labo khona sizokwazi ukuthi sibuyise loluya siko lokusenza ezisebenzini,” kusho uMadelien.
Izinsizakalo ngokwengqalasizinda
Osabambe njengesikhulu sale Unit uMnu uBranden Sivpasard uqale wazisa umhlangano ukuthi le Unit yakhiwa ukuhlangana kweSub-Unit yeZemigwaqo Nezokuthutha, eyaManzi Nezenhlanzeko nekaGesi. USivparsard akapholisanga maseko ube esehlala phezu kwezinkinga le Unit ebheke nazo. ISub Unit yaManzi Nezenhlanzeko uthule ukuthi ibhekene kakhulu nokuvaleka kwezitamukoko, kanye nokunganeli kwezindawo zokugelezisa amanzi edolobheni okwenza ukuthi kube nezikhukhula uma kunezimvula ezinamandla, “Uma siqhathanisa sinenkinga enkulu yezitamukoko kuneyamanzi. Okwenza izitamukoko zinganakeki ukuthi zona umphakathi awuzibiki kakhulu njengamanzi,” kuchaza uSivparsad.
Ube esengena enkingeni iSub Unit yeZemigwaqo Nezokuthutha ebhekene nayo. Uqale ngokuvuma ukuthi yebo imigodi emgaqweni igcwele kakhulu eMsunduzi. “Inkinga esingayenza ukuthi sithi zivala izimbobo emgwaqweni singabheki ukuthi zidalwa yini. Imigwaqo yethu isimidala isiphelelwe yilo muthi owenza itiyela kube nzima ukuthi livule umgodi, okwenza ukuthi kungabi namsebenzi ukuthi kuvalwe umgodi ngoba ngeke kuphele sikhathi esingakanani kuphinde kuvuleke enye eduze. Sesinqume ukuthi silungise imigwaqo yethu ngokuthi sivuselele ngalo muthi ukuze singeke uma sekwenziwa isabelomali kuqalwe phansi kubalwe ukuvalwa kwezimbobo,” kuchaza uSivparsard.
Ube esengena ngakulolu hlangothi olwakha imali kule Unit. USivparsard wazise umhlangano ukuthi sebefake kabusha amamitha angaphezu kwama-420 ezinyangeni eziyisi-6 ezedlule ngoba abentshontshwa. La mamitha akhiwe ngohlobo lweBronze nokunguhlobo oluheha kakhulu amasela ngoba efuna ukuyodayisa. “Sesinqume ukufaka amamitha angucwazi, nokuyiwo angeke ahehe izigebengu,” echaza ngesinqumo sabo ukuthi bafike kanjani kuso.
Ukuthuthuka okusimemayo kanye nezindawomqoka zedolobha
Le ingenye yama-Unit cishe ongeke uze uyinake kepha engalima indima enkulu ekutheni yakhe imali kuMasipala, lokho kungenzeka ngoba yiyo elawula amabhizinisi akhona eMsunduzi, yiyo elawula iMakethe yaseMsunduzi, kanti futhi yiyo ebhekelele ezokungcebeleka eMsunduzi, lezo zinto zontathu zingalima indima enkulu ekutheni kunyuke imali engenayo eMsunduzi.
Isikhulu sale Unit uMnu uFelix Nxumalo uthe eqala inkulumo yakhe ngokuthi kunesikhulumo sezindiza eMsunduzi abangasiphethe kepha sakhiwe emhlabeni wabo nokumele bayisebenzise ngendlela yokuthi bakha imali ngaso. Kanti enkulumweni yakhe uthe ezokungcebeleka uzibona njengento efile eMsunduzi.
“Sinemakethe lapho okudayiswa khona izithelo, inzuzo asikwazi ukuyenza ngaleyo ndawo kanti ezinye zezinto okumele ngabe ziletha imali,” kusho uMnu uNxumalo. Uthe abakubona njengesisombululo wukuthi banyuse amanani la okudingeka khona ngaphandle kokuthi baxoshe amakhasimende abo.
Ngesikhathi eqhubeka ethula uthe ngeke bakubalekela ukuthi sekuphilwa esikhathini la kusetshenziswa khona ubuchwepheshe ekutheni kwenzeke izinto zibe lula, wangakubalekela ukuthi eMsunduzi akukho. “Sesixhumanile nabatshalizimali ukuthi bazothuthukisa idolobha lethu, njengoHauwei waseChina futhi bayathembisa ngokubona izingxoxo esiba nazo nabo,” kusho uNxumalo.
Odabeni oluthinta umhlaba uNxumalo uzwakalise ukuthi asebekubonile nethimba lakhe ngukuthi laba bantu abazakhela emhlabeni kaMasipala ingoba bona benguMasipala abawudedeli umhlaba. “Esesikunqumile ukuthi ezinyangeni eziyisi-6 ezizayo izindawo sibe sesizidedelile ikakhulukazi kulezi osomabhizinisi abafisa ukuhweba kuzona noma bathuthukise umnotho wendawo,” kusho uNxumalo.
Ezezimali
Osabambe njengesikhulu sale Unit uNkk uDudu Gambu, uchaze le Unit njengokuyi-Unit ebhekelela ukungena kanye nokuphuma kwemali eMkhandlwini. Uyichaze njengokuthi kungumthwalo wabo ukuqinisekisa ukuthi izimali zilawulwa ngendlela okuyiyo, nokungukuthi bangakwazi ukuchaza ukuthi yini eyenzekile ngemali ethize. Le Unit yakhiwe amaSubUnit ayisi-6, eyeZimpahla, eyeSabelomali, yeyNgenisomali, eyoKusebenzisa Imali, eyeZezimali neyoKusebenza Kokuphatha. Ukubeke kwasobala ukuthi noma ngabe yibo ababhekelele ezezimali kodwa akusho ukuthi abaphathi bamanye ama-Unit akumele bachaze ngemali abayisebenzisile.
UNkk uGambu usethula izinkinga ababhekene nazo njenge-Unit uthe; “Inkinga enkulu esibhekene nayo inkinga yokushoda kwemali, imali asinayo, okwamanje sisebenza ngemali esiyithola ngokuthi siyiqoqe ezakhamuzini kanye naleyo esiyithola kuHulumeni, ayikho imali esiyilondolozile ngenxa yokuthi izidingo esinazo singuMasipala zingaphezu kwemali esikwazi ukuyakha noma ukuyiqoqa ngenyanga. Lokhu bekusiphoqa ukuthi sihlezi sincozulula njalo ngenyanga kuleyo esiyilondolozile,” kusho uGugu.
Wethule ukuthi izakhamuzi zaseMsunduzi zibalimazile ngoba bezingazikhokheli izinsiza abazihlinzekwa uMasipala, kanti bona uma benza isabelomali bayazi ukuthi bangaki abantu ekulindeleke ukuthi bakhokhe njalo ngenyanga, nokwenza ukuthi babone ukuthi bangakwazi ukuzifeza izidingo zoMkhandlu kuphinde futhi bahambise nezinsiza emphakathini. “Ezinye zezinto ezisilimazayo ukuthi abantu abahlwempu abaphumeli obala kuMasipala bazosho ukuthi hlampe owayekhokha usashona, lapho kumele ngabe uHulumeni uyabakhokhela,” kuchaza uGugu.
Izinsizakalo zamambhizinisi
Le-Unit yona ayigxilile kakhulu emphakathini kepha ibhekana kakhulu nezinto zangaphakathi kanye nokusebenza kukaMasipala. AmaSub-Unit akhona ngaphansi kwale Unit iZinszakalo Ngezomthetho, Ezokuqasha, Ezamahhovisi, Ezobuchwepheshe. Isikhulu sale Unit uNkk uMusa Molapo uthi wonke la ma-Unit asemqoka ngoba asebenza ngokubambisana futhi ayamukezelana ngomsebenzi.
“Inkinga esibhekene nayo siyi-Unit ukungabi nobuchwepheshe obusezingeni obuzokwenza kube lula ukugcina ulwazi loMkhandlu futhi kube lula nokuthola lolo lwazi,” kusho uMolapo. Eseka lokhu uMolapo uthe akathandi ukuthi uma kukhona ongekho kulindwa yena nalolo lwazi, ngoba ayikho indlela yokuthi kube lula ukugcinwa kolwazi okwenza ukuthi nanoma imuphi umsebenzi wase Msunduzi kube lula ukuthi afinyelele kulo.
Uqhube ngokuthi UMkhandlu usalele kakhulu ngobuchwepheshe, lokho ukushiswo izingcingo abazisebenzisayo, amakhompyutha abawasebenzisayo anguhlobo oludala. “Ingakho iCall Centre ingenzi kahle ngibona kumele sisebenzise uhlobo olusha lobuchwepheshe olusebenza ngokufana nasezindaweni zamabhizinisi,” kusho uNkk Molapo.
Izinkinga ezitholakele sekubhunga wonke amalungu omhlangano, ilezi ezilandelayo;
Ukulahlekelwa ilukuluku lokusebenza kuzo zonke izinhlaka zabasebenzi kusuka ezikhulwini kuya kulabo abancane. Ukungaxhumani ngendlela kubasebenzi. Ukungasebenzi ngokubambisana ezisebenzini.
Izisebenzi zinawo amaqhinga, kepha imali ayikho.
Ukungaqoqi imali ngendlela. Ukungamukelezelani ngolwazi uma ludingeka
Ukungaqinisekiswa ukuthi lokhu obekukhulunyiwe kuyenziwa.
Ukungabi namdlandla kwezokungcebeleka eMsunduzi
Ukungathuthukisi umnotho wendawo kanye nokungadedeli umhlaba
Ukungaqinisekiswa ukuthi umthetho uyalandelwa.
Ukungcola kwedolobha. Ukugxila ezisombululweni zesikhashana njengokulungisa izimbobo zomgwaqo kunokulungisa umgwaqo uqobo.
Okuthathwe njengezizombululo kube ilokhu;
Ukukoleka imali ngenhlawulo kulabo abazophula umthetho.
Ukukoleka imali kulezi zindawo ebesezingasanakiwe (indawo yokubhukuda, amathuna, imitapo yolwazi, kanye nesikhumulo sezindiza)
Ukuthumela imibiko okuyiyo ezakhamuzini mayelana nemali abayikweletayo kuMasipala.
Ukwakha imali ngezindlela ezintsha. (Ukukhokhela izindawo zokupaka, ukuqinisekisa ukuthi abanikazi bezigxobo zokukhangisa bayakhokha njalo ngenyanga. Ukubhalisa kwalabo abahlwempu. Ukufaka kabusha kwamamitha. Ukubuyekeza kabusha imali efakwayo ukuthenga izinsiza kusebenza zakaMasipala (amakhompyutha kanye nezihlalo zabasenzi.)
Ukubuyekeza ukusebenza kwentuthuko edidiyelwe
Kumele kuhlezi kubanjwa imihlangano nabasebenzi.
Ukubuyisa ugqozu lokuthokozela ukusebenza ezisebenzini.
Ukubuyisa usiko lokukhuthaza lezo zisebenzi ezenze kahle.