“Sizimisele ngokusebenza ngesinakho”
Ubuholi bukaThebolla bulandela kulobo bukaMandela uma kufikwa ekubambisaneni
UMHOLI oqotho yiloyo othekela kwabanye abaholi, bese ethatha okuhle. Isikhulu se-Unit iCommunity Service, uMnu uMbongeni Mathe wenzelokho ngenkathi ehlangene nabanye abaholi bama unit ahlukene nangaphansi kuka masipala. Kulo mhlangano abaholi bebeyozocaba amasu okusebenza ngamandla kulonyaka. Phakathi kwezinye izinto ezahlonzwa njengezimqoka kwakungukuthi kugqugquzelwe abasebenzi ukuthi basebenze ngalokho abanako, okunye kwakungukuthi kuvuselelwe intshisekelo yokusebenza kubasebenzi ukuze bazimisele ukwenza ushintsho lapho eqashelwe ukusebenze khona.
Ukulalela kukaMathe kutuswe nguMnu uPhillip Mchunu osebenza kuSub Unit uParks and Recreation nothe ukufika kukaMathe kuvuselele umuzwa wokulangazelela ukusebenza. uMchunu nongomunye wezinduna ezintathu ezikwaParks, uthi bazimisele ukwenza idolobha libuyele esimweni esingcono nesifanele indawo okuthiwa yihloko dolobha yesifundazwe saKwaZulu Natal.
“Sithanda ukubonga abaphathi bethu ngokusivumela ukuthi nathi siveze uvo lwethu, ngoba ithina esazi umsebenzi kahle, kwazise phela ithina esenza wona lo msebenzi. UMathe noMnu uPhiri bayasivumela ukuthi nathi sisho ukuthi sibona kanjani sihlangane sivumelane,” kusho uMchunu.
UMacingwane uqhube ngokuthi ukuhlangana nabaphathi bakhe kumenze wazibona ehloniphekile. Uveze ukuthi nanoma izinsiza kusebenza zincane kodwa uthanda ukubonga ozakwabo ngokuthi babambisane kanye nabasebenzi ababika kuyena, ngokusebenza ngokuzimisela.
“Mina nginendawo engajutshelwa ukuthi ngisebenze kuyona, ukusebenza kule paki ngibone ithuba livuma ngabona ukuthi angize ngapha ngoba le paki inomlando futhi ingamanye yamapaki aheha izivakashi ngenxa yomlando ewuqukethe,” kulanda uMnu uMchunu.
Uqhube ngokuthi beyizisebenzi nabo bazimisele ukubambisana nabaphathi babo ngokuthi basebenze ngokuzimisela bakhuculule idolobha.
UMnu uMchunu oqaphe abanquma utshani ezimpambanweni zomgwaqo uthe uqale ngokuqeda umsebenzi wakhe bese weza edolobheni ukuzokwenza ushintsho. UMchunu uthe akukho okungumlingo akwenzayo ngaphandle kokuthi ileli thimba analo elisebenza ngokuzinikela. UMchunu uveze ukuthi yena uvame ukusebenza nalabo abasabambe okwesikhashana, futhi uyakuthokozela ngoba bayawuhlonipha umsebenzi, bayakuqonda ukubaluleka kokusebenza.
Phakathi kweziphakamiso ezivezwe yizisebenzi ukuthi kumele zisebenze ngezimpelasonto ngoba izimoto zisuke zincane emgwaqweni, kanye nabantu abahamba ngezinyawo edolobheni.
“Sikwazile ukuthi sisebenzise imishini ukunquma utshani nokwenza ukuthi sisebenze ngesivinini, esikwenzayo sisheshe sikubone ngoba masisebenzisa imishini phakathi nesonto sisuke sisabela nezimoto ezidlulayo, nokugcina kumoshe isikhathi. Kunamapaki ekunabantu abakhokhayo kuwona ngoba behweba njengale ese-Art Gallery lapho asikwazi ukuthi sivele sifike nemishini sidumise kodwa kusuke kumele sibahloniphe, ngakhoke ngempela sonto siyakwazi ukuthi sifike sisebenze into ebonakalayo, okusijabulisayo ukuthi nalabo abahwebayo emapaki bayakuthakasela esikwenzayo,” kuchaza uMchunu.
UMchunu uphethe ngokuthi akufisayo ukubona kufika izivakashi kuleli dolobha zilethwa ngumlando oqukethwe yilo kanye nokuhlanzeka kwalo. UMchunu uthe; “Ngeke sikubalekele ukuthi idolobha lethu lihle, njengezakhamuzi zakulona siyaziqhenya ngalo, okusinika ingcindezi thina ukuthi kuncike kithina ukuthi silenze libukeke kahle njengabasebenzi abaphinde babe izakhamuzi zalo, sophoxeka uma sekungumlando ukuthi ithina esaba imbangela yokushabalalisa ubuhle baleli dolobha.”