Onstuimige see bemoeilik hengelkompetisie
Die eerste winterliga-hengelbyeenkoms van die Eden-hengelvereniging is voorverlede naweek deur die onstuimige see vir die hengelaars bemoeilik. 77 hengelaars het aan die liga deelgeneem waarvan slegs 33 suksesvol punte kon aanteken. Die ligabyeenkoms het tussen Witsand en Stormsrivier plaasgevind.
Die Stilbaai-hengelklub het met die louere weggeloop en die tophengelaar was Xander de Beer, ook van Stilbaai, met ‘n puik totaal van 34,34 punte.
Die beste o.21-junior van die dag was Ettiene Burger van George-hengelklub met 23,64 punte. Die beste o.16-junior was Floris Marais van Stilbaai-hengelklub met 5,06 punte.
Die topmeester was Koos Gerber van Outeniqua-hengelklub van George met 12,56 punte. Die topvrou was Lena Cronje van Stilbaaihengelklub met 1,54 punte.
Die grootste eetbare vis, ‘n mosselkraker van 6,28 kg, is deur Koos Gerber van Outeniquahengelklub gevang en die swaarste oneetbare vis was ‘n sloephaai van 23,64 kg wat ingeweeg is deur Ettienne Burger van Outeniqua-hengelklub.
Die totale massa vis wat gedurende die kompetisie wat gevang is, het 202,96 kg ingeweeg. Van die gelande vis is 85 lewendig teruggeplaas.
Die posisie van die klubs ná afloop van die
eerste byeenkoms is:
Stilbaai Stilmonsters (54,57) George Kadette (32,50) Stilbaai Barbarians (31,30) Triton Woelwaters (28,35) Outeniqua Clutch Cables (27,32) George Wortels (25,61) George Ratels (25,01)
Triton Ninjas (12,56) Outeniqua Spottys (12,56) Atlantic Fishfinders (3,39) Atlantic Bluefins (2,71)
Stilbaai Span Solo (2,46)
Die volgende winterligabyeenkoms is op Saterdag 15 Julie.