Bridgton speel gelykop teen Groot-Brak

Die rugbywedstryd tussen Groot-Brakrivier en Bridgton se A-spanne, wat die afgelope naweek op Groot-Brak gespeel is, het met 29 elk geeïndig.

Hennlin Botha (losskakel) was Groot-Brakrivier se groot held. Botha het al sy span se punte met vier drieë, drie doelskoppe en ‘n strafdoel.

Bradwin Wanies (heelagter) en Adrian Booysen (plaavervanger-losskakel) het vir Bridgton gaan druk.

Anver Venter (buitesenter) slaag met drie doelskoppe en ‘n strafdoelaangeteken.

Bridgton se B- en C-spanne het egter teen Groot-Brak se spanne vasgeval. Groot-Brak se B-span wen Bridgton 34-17 en die C-span wen Bridgton 20-12.

Die puntemakers vir die B- en C-spanne was as volg:

Groot-Brakrivier II: Drieë - Ricardo Windvogel (binnesenter), Hugh Minnies (losskakel), Ivan Meyer (agtsteman), Rayvian Wesso (flank).

Deavan Karelse (heelagter) slaag met 4 doelskoppe en 2 strafdoele.

Bridgton II : Drieë - Joseph Saptoe (binnesenter), Elcune Jansen (agtsteman), Lavano Nathan slaag met ‘n doelskop en ‘n strafdoel en Jacques Julies (plaasvervanger-losskakel) klits ‘n doelskop oor.

Groot-Brakrivier III (20): Drie -Winrich Kennedy (slot), Raydon Tarentraal (plaasvervanger vleuel). Reduaan Botha (heelagter) slaag met 2 doelskoppe en 2 strafdoele.

Bridgton III (12) : Drieë - Conroy Tiemie (buitesenter), Nigel Olieslager (flank). Thoren Stoffels (losskakel) slaag met ‘n doelskop.