Christo Vermaak sportjoernalis van die jaar
Dit is duidelik gemaak aan die die Wes-Kaapse provinsiale parlementêre toerisme oorsigkomitee dat Oudtshoorn ‘n toerismedorp is en afhanklik is van sporttoerisme as ekonomiese inspuiting vir die dorp.
Die bestuurder van die Kango-grotte, Allison Moos, het Dinsdag 1 Augustus aan die voorsitter van die komitee, Beatrice Ngobo gesê: “Die hoof attraksie vir toerisme na Oudtshoorn, is die natuurskoon met sy unieke fona en flora.” Sy het ook die klem gelê op sportgeleenthede wat duisende mense na die dorp lok.
Ngobo het met die opening van die vergadering gesê: “Toerisme skep werk. Dit stimuleer die ekonomie. Ons is hier om toerisme vorentoe te vat.”
Die komitee het met raadslede, sakelui, mense in die toerismebedryf en ander rolspelers in die raadsaal vergader.
In ‘n drie uur vergadering het Ngobo mense uit alle sektore die geleentheid gegee om hul kommer, griewe, asook voorstelle aan haar voor te lê.
Meer as 60 mense het die vergadering bygewoon en toerisme rolspelers van Oudtshoorn, Kannaland, Calitzdorp en Eden was aan die woord.
Ander toerisme lokaas is deur Moos beskryf as die KKNK, die Klein Karoo Klassique en die film industrie in Oudtshoorn. “Oudtshoorn is verlede jaar is 13 films opgeneem en aan die wêreld bemark.”
Moos het aan Ngobo gesê Oudtshoorn se toeriste bestaan uit 47% Suid-Afrikanes en 53% internasionaal. “Die aantal toeriste word bepaal deur besoekers aan die Kango-grotte.”
James Vos, lid van die komitee, het die toerismebedryf gewaarsku om nie net op die Kangogrotte staat te maak as ‘n toerisme inkomste nie. “Dit moet ‘n hele Oudtshoorn-ondervinding wees vir toeriste. Toeriste moet die informele woonbuurte besoek en die toerismebedryf moet daar gestimuleer word.” Vos het ook gesê dat plaaslike inwoners moet opgelei word as toergidse om sodoende hul eie dorp te bemark.
Eden-distriksmunisipaliteit se burgemeester, Memory Booysen het aan die komitee gesê dat Eden in die proses van onderhandelings is om van hul eiendom in Oudtshoorn en omgewing oor te dra aan die plaaslike munisipaliteit, om as toerisme attraksies te ontwikkel.