Mu­ni­si­pa­le wer­kers vang skelms

Oudtshoorn Courant - - VOORBLAD - LIE­ZL VAN NIE­KERK

‘n Groep mu­ni­si­pa­le wer­kers wat ge­sien het hoe ‘n be­jaar­de be­roof word, is die hel­de van die dag na hul­le Woen­dag­og­gend ‘n ver­meen­de ro­wer ag­ter­na­ge­sit en in Ba­ron van Ree­de­straat vas­ge­trek het.

Met die aan­koms van die Oudts­hoorn Cou­rant by die to­neel in Ba­ron van Ree­de­straat het die groep mu­ni­si­pa­le wer­kers uit­a­sem op die mid­del­man­ne­tjie ge­staan en die ver­meen­de dief het op die grond tus­sen hul­le ge­sit.

Vol­gens De­si­ree Min­nies, een van die wer­kers, was sy en haar kol­le­gas op pad werk toe toe hul­le sien hoe die jong man voor Ba­ron’s Pa­la­ce in Hoog­straat vir Wil­lem Min­nies (76) poot­jie en sy be­sit­tings steel.

“Ons het nie eens twee keer ge­dink nie. Toe ons sien wat ge­beur het ons die skelm te voet ag­ter­na ge­sit. Ons het hom in Van der Riet­straat af­ge­jaag en hom in Ba­ron van Ree­de­straat ge­duik. Hy wens se­ker van­dag hy het nooit ons groep vroue te­ë­ge­kom

nie,” ver­tel sy.

Die mans wat saam met hul­le was het die groep met ‘n voer­tuig ag­ter­na ge­sit.

Vol­gens haar het die skelm hul­le ge­dreig ter­wyl hy op die sy­paad­jie ge­sit het.

Sa­ra Moos, Le­nie le Roux, G­len­wi­na Blaauw, Syl­via Sass, Lee-Ann Huf­ke, Mer­cia Ra­bie, E­sau Sep­tem­ber en Gert A­do­nis was van die hel­de.

Vol­gens Min­nies het hul­le die be­jaar­de man se beur­sie, in­den­ti­teits­do­ku­ment en Sas­sa-kaart te­rug ge­kry.

“Die oom sê daar was R100 in sy beur­sie, maar ons kon nie die geld te­rug­kry nie,” het sy ge­sê.

Wil­lem sê hy was skoon uit die veld ge­slaan toe die skelm hom poot­jie.

“Dit was on­ver­wags. Ek het ge­loop en die vol­gen­de oom­blik toe val ek. Die man­ne­tjie was skie­lik bo-op my en toe vat hy pad. Ge­luk­kig is net my rug seer na die voor­val. Dit kon baie er­ger ge­wees het as hy ‘n mes of ‘n an­der wa­pen by hom ge­had het,” het die steeds ge­skok­te Wil­lem ge­sê.

Min­nies sê wat hul­le ge­dryf het om die be­jaar­de te help was die feit dat die straat­kin­ders en an­der skelms dink hul­le kan weg­kom met e­nig­iets.

“Die kin­ders dink hul­le kan maak net wat hul­le wil om­dat hul­le min­der­ja­rig is. As jy wat ‘n groot­mens is iets aan die kin­ders doen wat an­der aan­rand en be­steel is jy ver­keerd, maar ons kan nie dat hul­le ons ou­men­sies en die weer­lo­ses so seer maak nie. Ons as ge­meen­skap kon mos nie staan en toe­kyk hoe die o­mie on­der ‘n mis­daad deur­loop en niks daar­om­trent doen nie. Die in­wo­ners is té ge­rus in die plat­te­land­se dor­pe en hul­le neem nie die skelms in ag nie. Hul­le staan en tel geld of maak beur­sies oop so­dat al­mal kan sien en dan slaan die skelms toe,” het sy ge­sê.

Mars­hall Claas­sen was ook op die to­neel. Vol­gens hom het hy ge­sien hoe die vroue die jong man vang.

“Ek het by die ho­tel in Ba­ron van Ree­de­straat ver­by ge­ry toe sien ek hier­die groep vroue met ‘n spoed in die pad af­hard­loop. Dit was eint­lik half ko­mies. Ek dink nie ek het al ooit ‘n groep vroue so vin­nig sien hard­loop nie. Ek het ge­sien hul­le jaag ‘n man straat­af en het ag­ter hul­le aan­ge­ry tot waar hul­le hom reg­tig plat­ge­duik het,” het hy ver­tel.

Claas­sen sê, ver­al om­dat dit die be­gin van vrou­e­maand is, haal hy sy hoed vir die wer­kers af.

“Om ‘n man­ne­tjie so in te hard­loop is nie mak­lik nie. En dan was dit vroue. Hul­le kon ook seer­ge­kry of aan­ge­rand ge­word het, maar hul me­de­mens het vir hul­le eer­ste ge­kom, nie hul eie vei­lig­heid nie. Ek hoop die ge­meen­skap sien die daad van die vroue raak en leer by hul­le. Ek hoop ook dat men­se hier­die voor­val as ‘n les sal ge­bruik. Mens moet al­tyd ver­sig­tig wees en moet nooit te ge­rus wees nie,” het hy ge­sê.

Sers. G­re­t­chen Mi­che­als, woord­voer­der van die Oudts­hoorn-po­li­sie, het ge­sê ‘n 17-ja­ri­ge seun is vir roof in heg­te­nis ge­neem.

On­ge­veer ‘n uur na die mu­ni­si­pa­le wer­kers die jeug­di­ge in Ba­ron van Ree­de­straat ge­vang het, het mu­ni­si­pa­le wets­toe­pas­sers ‘n jong man in ‘n win­kel vir win­kel­dief­stal vas­ge­trek. Vol­gens ‘n se­ker­heids­wag het die man glo i­tems by die su­per­mark ge­steel en in sy kle­re ver­steek.

Die 17-ja­ri­ge ver­dag­te (voor) saam met die groep mu­ni­si­pa­le wer­kers wat hom aan­ge­keer het na hy ‘n be­jaar­de be­roof het.

Wil­lem Min­nies (76) is deur ‘n 17-ja­ri­ge be­roof.

Fo­to’s: Lie­zl van Nie­kerk

Mu­ni­si­pa­le wets­toe­pas­sers keer ‘n ver­dag­te aan na­dat hy glo i­tems in ‘n win­kel ge­steel het.

Newspapers in Afrikaans

Newspapers from South Africa

© PressReader. All rights reserved.