Plaaslike skole deel in krieketfees
Vyf hoërskole in die Eden-distrik, waarvan twee van Oudtshoorn (Langenhoven Gimnasium en Hoërskool Oudtshoorn) en een van BeaufortWes (Hoërskool Sentraal) is, het die afgelope skoolvakansie aan die KFC Punt-krieketfees deelgeneem.
Altesaam 26 skole van oor die Wes-Kaap het op krieketvelde regoor die Suid-Kaap van Saterdag 30 September tot Dinsdag 3 Oktober aan die krieketfees deelgeneem, as deel van die Mosselbaai-munisipaliteit se sportweek.
Ru dolf Botha, sport koördineerder by Hoërskool Punt en organiseerder van die krieketfees, het Maandag gesê: Die Suid-Kaap het oor die vier dae nie teleurgestel nie en sy mooiste baadjie aangetrek met puik krieket.
Pragkrieket is opgelewer deur al die skole met die vooruitsig van ‘n KFC Punt Krieketfees-span, wat in samewerking met Travel Sport volgende jaar Junie na Nederland gaan toer.”
Die finale uitslae is nog nie gefinaliseer nie.
Vyf wedstryde wat op Oudtshoorn en Beaufort-Wes plaasgevind het, se uitslae is:
Hoërskool Sentraal (216/6) teen Hoërskool Swartland (209/8)
Hoërskool Sentraal wen met sewe lopies. Hoërskool Bellville (179/10) teen Hoërskool Oudtshoorn 143/10) Hoërskool Bellville wen met 36 lopies. HTS Daniël Pienaar (165/5) teen Langenhoven Gimnasium (164/9)
HTS Daniël Pienaar wen met vyf paaltjies. Paarl Gimnasium (160/10) teen Langenhoven Gimnasium (161/8)
Langenhoven Gimnasium wen met twee paaltjies.
Hoërskool Sentraal (107/10) teen HTS Daniël Pienaar (108/2).
HTS Daniël Pienaar wen met agt paaltjies.