Bridgton se skopwerk stel teleur
Bridgton-rugbyklub het net hulself te blameer vir ‘n 25-27 verloor teen Evergreens van George.
Die twee spanne het Saterdag 2 Junie op die Plate, Oudtshoorn, in ‘n SWDPremierligawedstryd gespeel.
Bridgton se voor- en agterspelers het skitterende spel opgelewer en vier drieë teenoor Evergreens se drie drieë gaan druk. Dit was egter Bridgton se skopwerk wat hulle die wedstryd gekos het. Waar Evergreens met vyf skoppe geslaag het, drie doelskoppe en twee strafdoele, kon Bridgton slegs een van hulle drieë verdoel en nog ‘n strafdoel oorskop.
Vir Bridgton het Ganfried May twee keer gaan druk, terwyl Mondile Stofile en Rhaul Lewis elk een met een drie geslaag het.
André Venter het die een drie verdoel, met Adrian Booysen wat met ‘n strafdoel suksesvol was.
Riaan Tromp, Emile Booysen en Anvor Prins het vir Evergreens gaan druk. C-Than Moos slaag met drie doelskoppe en twee strafdoele.
Ganfried May (buitesenter, 2) Monde Stofile (agtsteman) en Rhaul Lewis (plaasvervanger) is oor vir drieë vir die tuisspan.
Bridgton se tweedespan het met 28-15 gewen. Evergreens se derde span het met 24-10 as wenners van die veld gestap.