Stilbaai lokaas vir Eden-hengelaars
Die Suid-Kaapse hengelaars, verbonde aan die Edenhengelvereniging het in die Stilbaai-omgewing meegeding in die derde somerliga van dié vereniging.
Die ligakompetisie het op Saterdag 3 November plaasgevind. Stilbaai-hengelklub het aan hul eie kuslyn die dag se kompetisie met 127.60 punte gewen en ook die tophengelaar, Henry Terblanche, opgelewer. Terblanche het 126.79 van sy span se punte bygedra.
Johan van Rensburg (o.16) van Mosselbaai-hengelklub was met 13.88 punte die top-junior hengelaar.
Ander kategoriewenners is: Top o.21: Luan Els van Tritonhengelklub (Mosselbaai) - 30.74 punte.
Topmeester: Deon Naude van Triton-hengelklub - 19.48 punte.
Topgrootmeester: Peet May van Mosselbaai-hengelklub - 9.32 punte.
Die grootste eetbare vis, ‘n kabeljou van 22,02 kg is deur Matthew Sumner van Stilbaaihengelklub gevang, terwyl die swaarste oneetbare vis, ‘n swartpylstert van 111,88 kg deur Henry Terblanche van Stilbaaihengelklub ingeweeg is.
Die totale massa van 860,61 kg vis is deur die 158 hengelaars geland. Dit sluit in 108 oneetbare- en 37 eetbare vis. Al die vis is lewendig teruggeplaas om bewaring te bevorder.
Die klubposisies na afloop van die kompetisie is:
A-liga (klub, punte)
Stilbaai: 376.39 Atlantic: 322.11 George: 314.98
Triton: 277.93 Outeniqua: 259.65 Knysna: 255.04 Mosselbaai: 143.36
B-liga (klub, punte)
Stilbaai: 299.92 Triton: 230.27
George: 187.84 Outeniqua: 156.55 Atlantic: 140.06 Knysna: 109.47 Mosselbaai: 93.00
C-liga (klub, punte)
George: 89.08 Outeniqua: 48.79 Atlantic: 34.74 Stilbaai: 26.37 Knysna: 22.37
Triton: 7.65
Die top-3-hengelaars na die derde kompetisie is Henry Terblanche (146.99), Renier van Rooyen (123.54) en Renier Nortjé (103.83).