Virtuele Meiringspoort-wedlope
Honderde atlete regoor Suid-Afrika, wat ook Oudtshoorniete insluit, het verlede Saterdagoggend douvoordag die Optimum Meiringspoort-wedlope aangepak wat vanjaar weens die Covid-19-regulasies virtueel beslis is.
Dit het beteken dat deelnemers op enige plek in die land die 21,1 km- en 12,5 km-wedlope tussen 06:00 en 18:00 op 10 Oktober kon voltooi.
Atlete wat betyds hul tye op die Optimum Meiringspoort se webblad voor Woensdag 14 Oktober ingedien het, sal ook 'n virtuele medalje ontvang.
Alle uitslae sal teen 18 Oktober op Optimum Meiringspoort se webblad beskikbaar wees. Op Oudtshoorn het bekende atlete soos Lampies Lamprecht en Jason Jafta, reeds vanaf 06:00 in nat weerstoestande op die Schoemanshoekpad, hul slag gewys.