Dié opleiding ‘n ligpunt vir klein dorpies

HOFMEYR - Altesaam 26 kursusgangers van hoofsaaklik Hofmeyr het die afgelope week opleiding deur die Ikhala Trust in Molteno onder streng Covid-19-protokol bygewoon.

Bernie Dolley, besturende direkteur en stigterslid van Ikhala Trust, sê sy het geen idée gehad hoe die dorpie lyk of wat ek te wagte kan wees nie, “maar ek was aangenaam verras deur die goeie getal kursusgangers wat opgedaag het. Die positiewe gesindheid van samewerking en ontwikkeling het my onmiddellik opgeval”.

Dié Asset Based Community Development (ABCD) kan selfs deur ongeskooldes deurloop word aangesien dit prakties aangepas is en groot veranderinge in enige gemeenskap te weeg kan bring.

Hofmeyr Hugs of Hope in Hofmeyr werk ook volgens die riglyne van ABCD en word in hierdie gebied gesien as ‘n ligpunt vir talle ander klein dorpies wat nog in duister gehul is en werkloos en in armoede vasgevang is.

Ikhala Trust gee opleiding, raad, leiding en natuurlik ook bystand in moeilike omstandighede, wat elke besigheid soms teëkom.

Nie-winsgewende organisasies word ook aan mekaar voorgestel om ‘n netwerk te vorm wat die hele Suid-Afrika mettertyd saam kan verbeter en ophef.

Opleiding vind plaas deur die wortels van armoede uit te lig, daarna word die talente van die kop, hard en hande uitgelig. ‘n Kaart van hul eie omgewing bewys kursusgangers dat hulle in hul omgewing aangepas en georiënteerd is.

Die hoogtepunt is die voorlegging van ‘n virtuele besigheidsplan.

Hierdie kursus is geakkrediteer deur Ikhala Trust en sertifikate word uitgereik.

Die kursusgangers het vanaf Hofmeyr gereis om vir drie dae in Molteno hul opleiding te voltooi. Vir baie van hulle was dit hul eerste opleidingsgeleentheid waar daar nie navrae gedoen is na hul vorige ondervinding of vlak van skoolonderrig nie. Voor, van links: Nico du Plooy, Ella Kleinveld, Dinah Booysen, Brenda du Plooy, Lety Runyambo en Lindiwe Sintu. Agter: Teresa Opperman, medeorganiseerder van die opleiding en bestuurder van Hofmeyr Hugs of Hope.