Waterbeperkings ingestel vir Groter Oudtshoorn
Te midde van groeiende kommer oor watergebruik en die behoefte aan volhoubare waterbestuur, het die Groter Oudtshoorn-munisipaliteit die onmiddellike implementering van waterbeperkings ingestel.
Volgens Aurelia Mle, woordvoerder van die Oudtshoorn-munisipaliteit is dit gedoen om volhoubare watervoorsiening vir die gemeenskap te verseker.
"Dit is belangrik om daarop te let dat noodtariewe eers in werking sal tree sodra die damvlak onder 50% daal."
Tydens 'n raadsvergadering wat Vrydag 31 Januarie gehou is, het burgemeester Chris Macpherson, verklaar dat weens die oormatige hitte wat Oudtshoorn die afgelope paar weke ondervind het, dit ook tot oormatige gebruik van water gelei het. Verlede week is min of meer 3% kapasiteit van die dam in een week gebruik. Daarom is vlak 1-waterbeperking in Oudtshoorn ingestel.
Vlak 6-waterbeperkings geld nog vir
De Rust, Dysselsdorp en Klein-Karoo Landelike Waterskema (KKLWS).
"Dié landelike gebiede word van water uit die KKLWS-boorgate voorsien en die boorgate en die KKLWS is onder geweldige druk en kan nie in die huidige behoefte voorsien nie. Dit geld ook vir die res van De Rust wat water uit die Huisrivier kry. Die munisipaliteit is slegs geregtig op 'n beperkte onttrekking uit die Huisrivier. Hierdie toegelate onttrekking is nie voldoende om in De Rust se behoefte te voorsien nie en die bron word aangevul vanaf die KKLWS. Vandaar die streng beperkings vir De Rust, Dysselsdorp en KKRWSS."
Macpherson wil inwoners en besighede versoek om asseblief buite-watergebruik tot slegs noodsaaklike doeleindes te beperk, soos om grasperke nat te maak, motors te was en swembaddens vol te maak.
“Ons het spesifieke tye gestel vir buitesuiping om waterverlies tot die minimum te beperk, en ons sal jou deur die munisipaliteit se amptelike kanale op hoogte hou.”
Hy het verder gesê dat afdwingings-maatreëls in plek is om nakoming te verseker, met oortreders wat boetes of strawwe in die gesig staar vir nie-nakoming.
“Onthou, ons is almal saam hierin. Kom ons bespaar water verantwoordelik.”
Inwoners word ook versoek om asseblief waterlekkasies binne gemeenskappe en die misbruik van water by die gemeenskaplike krane in die informele nedersettings aan te meld. Jy kan dit gedurende kantoorure, tussen 07:30 en 16:30 aanmeld of skakel 044 203 7800/7801 en na-ure by 044 203 3090/3086.
Vir verdere inligting en opdaterings oor waterbeperkings, besoek asseblief die Groter Oudtshoorn munisipaliteit se webwerf, www.oudtshoorn.gov.za en ons sosiale media kanale (Facebook: Groter Oudtshoorn Munisipaliteit, Collab App (wat by PlayStore afgelaai kan word) en hul X-rekening: @OudtMun).