Wintershoek Safari’s/ Thuru Lodge
Thuru Lodge wat deur Hennie Gous en sy familie besit word, vorm deel van Wintershoek Safari’s wat groot jagkonsessies in die NoordKaap besit. Thuru word bestuur deur Hennie se skoonseun, Braam Bekker, en sy vrou Mardoret.
Die Thuru Lodge Private Wildreservaat is geleë in die NoordKaap tussen Groblershoop en Upington, sowat 30km vanaf Groblershoop, en ongeveer 100km van Upington af. Dis ook nie té ver van Kimberley af nie – sowat 2½ se ry per motor. Verder is daar daaglikse vlugte vanaf Johannesburg na Upingtonlughawe toe.
Die oppervlakte van Thuru alleen is 20 000ha groot en bestaan uit Kalahariduineveld, NamaKarooplantegroei en Karoobergplantegroei. Dis in een van ons droër landsdele geleë en somertemperature is baie hoog. Ek het in Oktober 2014 daar gejag en bedags behoorlik gesweet. Vir dié wat wonder, die NoordKaap is malariavry. Winters is aangenaam, maar soggens vroeg en snags kan dit baie koud raak.
Vlaktewild is volop en sluit spesies in soos steenbok, duiker, springbok, rooibok, blesbok, hartbees, waterbok, blouwildebees, gemsbok, koedoe, eland en swartwitpens. Geweerén boogjagters is welkom. Daar is ses boogskuilings op Thuru vir die boogjagters. Kelkiewyne is ook volop en voëljagters is net so welkom. Indien jagters spesies verlang wat nie op Thuru voorkom nie, kan dit by van die ander konsessies gejag word. Wintershoek Safari’s bied natuurlik ook gevaarlike grootwild soos buffels en ander lede van die Groot Vyf aan.
Soos te verwagte, is alle geriewe op Thuru van hoogstaande gehalte – van die slaggeriewe tot die verblyf, die restaurant en die opelugbraaiboma. Gaste kan op begeleide staptogte, fotografie en wildritte gaan en ook ’n skemerkelkie of selfs ’n aandete op ’n pragtige rooi duin geniet terwyl hul oor die die omliggende veld uitkyk. Behalwe kleiner groepe jagters, verwelkom Thuru ook korporatiewe groepe en mense wat van die lodge se konferensiegeriewe gebruik wil maak. Die restaurant is ook daagliks oop.
Daar is ’n 100mskietbaan naby die lodge, maar diegene wat hul gewere verder wil inskiet, kan ook die 1 000mlange landingstrook daarvoor gebruik. Al die diere wat ek gejag het, is onder 150m geskiet, maar die wêreld is oop, so lang skote is soms aan die orde van die dag. Stel jou geweer op 200m in en maak seker jy weet waar dit skiet op 250 en 300m. Platskietkalibers en ’n afstandmeter sal handig te pas kom vir diegene wat nie