SavutiWapens en Ammunisie gaan groot
geplaas op herlaaitoerusting, waarvan hulle meer voorraad en ook ’n groter verskeidenheid aanhou.
Oral in die winkel pryk gemonteerde trofeë van Afrikabokke bo die rakke wat ’n lekker jagatmosfeer skep. Die ekstra spasie dra ook by tot ’n gerieflike en rustige koopervaring. Die vertoonskaste, wat byna die hele omtrek van die winkel beslaan, is so geplaas om te verseker dat kliënte gemaklik in die winkel kan rondbeweeg sonder dat ’n bottelnek ontstaan.
Binne die volgende paar maande gaan Savuti selfs Bergerprodukte op hul rakke hê. Savuti nooi ook graag dames en die jong klomp uit om te kom kyk na die verskeidenheid gewere wat spesiaal vir hulle vervaardig is. Linkerhandse wapens en selfs haelgewere is ook beskikbaar.
Binnekort gaan Stefan sy span verder uitbrei wanneer ’n professionele geweersmid by hulle aansluit om kliënte in hul behoeftes by te staan. Planne is ook in plek om ’n slaghuis/deli op die been te bring wat net gaan fokus op wildsvleisbewerking en produkte. Die vleisverwerkingsafdeling sal selfs Sondae vleis inneem as daar vooraf reëlings getref is. Hul mikpunt met die verwerking van vleis is nie net om biltong en droëwors te maak nie, maar wildsvleis maksimaal te benut deur ’n verskeidenheid worse, braaisnitte en ander lekkernye te maak. • Savuti Wapens en Ammunisie is n familiebesigheid wat vriendelike diens en persoonlike kundigheid bied. Gaan besoek gerus hul nuwe winkel by Carnival Centre East Rand of kontak hulle by 011-915-0138/ 011-915-0145. Winkeltye is Maandae tot Vrydae 8h00 tot 17h00 en Saterdae van 8h00 tot 13h00.