Wuhlf stel nuwe laaigraafbybehore bekend
Die jongste toevoeging tot Wuhlf se produkreeks is hulle bielie van ’n mulcher. Dié ontbossingsgereedskap pas vooraan die ZA20F6 Buffel 74kw-laaigraaf.
Nes al Wuhlf se produkte, is die mulcher plaaslik ontwerp en vervaardig. Die eenvoudige ontwerp en meganika van die snyer maak enige onderhoud maklik en operateursopleiding is vinnig.
Die mulcher is spesifiek ontwerp om veldbestuur maklik te maak en is in staat om sekelbos en soortgelyk struike en jong bome, met ’n stamdikte van soveel as 150mm, kaf te draf. Trouens, die mulcher sny struike en sekelbos tjop-tjop op in stukke van so 150mmx30mm. Ontbossing vir landskapbestuur, voorbereiding vir nuwe paaie, brandpaaie en veiligheid rondom geboue, is soveel makliker met die mulcher wat in ’n japtrap vooraan Wuhlf se Buffel haak.
Wanneer die snyer struike takel soos ’n warm mes wat deur botter sny, moet ’n mens maar uit die pad uit staan soos die houtsplinters spat. ’n Skutraam bied goeie beskerming vir die operateur en enige werk kan veilig verrig word.
Diegene wat reeds Wuhlf se ZA20F6 Buffel op die werf het, betaal slegs R125 000 (BTW uitgesluit) vir die mulcher.
’n Kombinasie van die Buffellaaigraaf en mulcher beloop R545 000 (BTW uigesluit). • Navrae: Kontak Coert Steenberg by 084-247-0804 of stuur ’n boodskap na sales@wuhlf.co.za. Kyk ook op www.wuhlf.co.za of www.landbou.com na ’n video wat presies wys hoe die ZA20F veldbestuur makliker maak.
MEER OOR WUHLF
Wuhlf het in 2005 onder die maatskappynaam, QualiProd, begin. Sedertdien is dié vervaardiger van betroubare, bekostigbare swaardienstoerusting herdoop na Wuhlf. Die produkreeks sluit in industriële, selfaangedrewe laaigrawe, vurkhysers met bybehore en onderdele. Die maatskappy is in Montana, Pretoria geleë.