HUNTEX 2017
SA JAGTER/HUNTER beplan om in 2017 weer die drie HuntEx-skoue/ekspo’s by te woon. Kom groet en kom kuier saam met ons redakteur, Koos Barnard by die SAJWV se stalletjie in die Kaap en die Oos-Kaap. (Ons deel die stalletjie met die SA Jagters vereniging .)
Buitelug- en wape nentoesiaste kan gerus solank die datums vir die drie Hunt Ekspo’s van 2017 in hul dagboeke aanteken.
CAPE GAME FAIR
Die eerste HuntEx skop af vanaf 10 tot 12 Maart wanneer die Cape Game Fair aangebied word op Rhebokskloof Wynlandgoed in die Agter-Paarl. Aktiwiteite en demonstrasies vind plaas met die lieflike Bolandse berge en wingerde wat besoekers omring. Dit is dus ’n heerlike familie-uitstappie. • Besoek die webtuiste www. huntexcape.net vir meer inligting.
HUNTEX IN GAUTENG
Hierdie reusewapenskou brei elke jaar verder uit en word in 2017 oor vyf dae aangebied, van 27 April tot 1 Mei. Die eerste dag kan slegs bygewoon word deur persone wat ’n spesiale uitnodiging ontvang (daarom word dit die VIP-dag ge- noem). Geen ander persone sal op 27 April ingelaat word nie.
Die res van die publiek het dus vanjaar vier dae waartydens hulle die Hunt-ekspo by die Gallagher Estate (konv ensiesentrum) in Midrand kan bywoon. Die nuutste tegnologieë in verskeie wapenverwante velde, maar ook gewone buitelug aktiwiteite, word daar uitgestal en aangebied.
Kom besoek ons by die SA JAGTER/HUNTER-stalletjie waar ons ook ons produkte soos die SA JAGTER/HUNTER-messe, hemde, pette, ammunisi ekissies en boeke te koop sal aanbied. • Besoek die webtuiste www. huntex.net vir meer inligting.
E-CAPE HUNTER’S FAIR
Weereens word die gasvrye Oos-Kapenaars nie afgeskeep nie. Van 26 tot 28 Mei 2017 vind die E-Cape Hunter’s Fair op Mentorskraal-landgoed net buite Jeffreysbaai plaas. Enigiets van luukser eis toebehore, biltong, messe en wapentoerusting word hier uitgestal. Kom geniet die heerlike, plattelandse Oos-Kaapse gasvryheid en lekker eetgoed wat te koop aangebied word. • Meer inligting is beskikbaar op die webtuiste www.huntexecape.net