Safari Outdoor/SAJWV Presidents kietkompetisie 2017
Vanjaar se Safari Outdoor/ SAJWV President skietkompetisie i sop Saterdag ,23 September deur die Valschriviertak aangebied by die Elandsrand-skietbaan, ongeveer 12km suidwes van Kroonstad.
Onder leiding van Jan Lodewyk Serfontein (takvoorsitter) en die span wat hom bygestaan het, was die dag ’n groot sukses. Hulle gasvryheid, aandag aan detail, die vriendelike administratiewe personeel en die afsluiting met ’n heerlike ete en prysuitdeling was besonders! Die baan offisiere, met Basie Berg( streekkoördineerder van die Vrystaat) as hoofbaan offisier, het op’ n gemaklike manier verseker dat alles glad verloop in terme van dissipline en veiligheid.
Die deelnemende skuts het die Vrydag voor die kompetisie geleentheid gekry om hul gewere op die skietbaan op 100tot 300m-afstande in te skiet. Dié inskiet het in goed georganiseerde aflossings en onder die toesig van baanoffisiere plaasgevind. Die wind het gedurende die dag toenemend sterker begin waai en teen drie-uur het dit by tye tot 30km/h be- reik. Dit het niks goeds vir die volgende dag se kompetisie voorspel nie. Saterdag het die weerstoestande egter verras met min wind, maar dit was wel warm en lugspieëling (mirage) het vroegoggend al ’n rol begin speel.
Die President skiet kompetisie op streek- en nasionale vlak is vanjaar vir die derde keer geskiet met drie ekstra skote uit die vryhand sit posisie vir die Vlakte-skietoefening op 100m en drie ekstra snapskote vir die Bosveld-skietoefening op 50m (vir ’n totaal van 24 skote vir die kompetisie). Hierdie vryhandskote is duidelik nie meer so ’n groot faktor soos in die verlede nie, aangesien 66 skuts vir die Nasionale Platinum toekenning gekwalifiseer het. Baie geluk aan die wenners van die verskillende klasse: • Ope Klas en kampioenskut: Danie
Symington (Riemlandtak). • Damesklas: Yvette Aggenbach (Sui
kerbosrandtak). • Senior Klas: Dolf du Preez (Marico
Bosveldtak). • Junior Klas: Herman Nieuwoudt
(Bloemfonteintak).
Vir die volledige lys met uitslae, besoek die SAJWV se webwerf by www.sahunters.co.za, gaan na “Skietsake” en kliek op “President skiet kompetisie ”.
Baie dankie aan Safari Outdoor wat die skietdag geborg het met geskenkbewyse ter waarde van R31 000. Dié bewyse is aan die plekwenners in die vier klasse uitgedeel. Leupold en Hornady het Safari Outdoor met hulle onderskeie uitstallings verteenwoordig.