Snelvuur

DIERESIEKTES WAT DIE MENS AANTAS (SOÖNOSES)

Die boek, Zoonoses, Animal l Diseases and Man deur dr. JH H du Preez en dr. Gert P du Preez z handel oor soönose, ’n siekte of f besmetting wat natuurlik oorge- dra word van werweldiere (bv. . wild, voëls en troeteldiere) na a die mens, en omgekeerd. Die e mens is dikwels ’n toevallige e gasheer wat ’n siekte deur noue e kontak met ’n besmette dier met t of sonder siektetekens opdoen.

Wêreldwyd word meer as 200 0 verskillende soönoses herken. . Soönoses word veroorsaak deur r verskillende siekteveroorsakende agente soos bakterieë of virusse. Wetenskaplikes bereken dat meer as ses uit 10 besmetlike siektes van mense deur diere versprei word. Statistiek dui daarop dat tot 15% (meer as een miljard mense) of meer van die menslike bevolking op die een of ander tyd ’n soönotiese (’n siekte wat normaal in diere voorkom, maar die mens kan besmet) besmetting sal opdoen.

Belangrike soönotiese siektes by die mens is omlope, brusellose, hondsdolheid, Slenkdalkoors, Kongokoors, soönotiese influensa (griep) en tuberkulose, skabies, toksoplasmose, water-, melk- en voedselverbonde siektes soos listeriose, “crypto”, kampilobakter-besmetting en vele meer. Sekere mense se risiko om dié siektes op te doen is groter as by ander mense. Geen mens is gevrywaar dat hy nie ’n soönotiese besmetting kan opdoen nie.

Die dinamiese verhouding of band tussen mens en dier geniet wêreldwyd aandag vanweë die wedersydse voordele wat dit vir albei partye inhou. In die betonoerwoud is menslike kontak met plant en dier noodsaaklik, maar nie verseker nie. Wild speel ’n vername rol in die mens se lewe en het baie sosiale, emosionele en fisieke voordele vir die mens.

Daar is geen rede om diere te vermy om jouself teen soönoses te beskerm nie. Die boek is die resultaat van samewerking tussen veeartsenykundiges en menslike medisyne en die boodskap is duidelik: gaan voort om wildsvleis te geniet solank jy bewus is van die moontlike risiko’s en toepaslike higiëniese voorsorgmaatreëls ten opsigte van die wilde dier se gesondheid en jou eie om besmettings te voorkom. * Hierdie interessante boek is te koop en meer inligting oor waar dit beskikbaar is asook die prys, is te kry op die webblad: www.zoonoses.co.za of kan per e-pos verkry word by info@zoonoses.co.za