ADJUNKREDAKTEUR SA JAGTER/HUNTERTYDSKRIF, GAUTENG
SA JAGTER/ HUNTER- tydskrif beskik oor ’n vakante pos vir ’n adjunkredakteur. Die suksesvolle kandidaat sal vanuit ons Gautengse kantoor in Pretoria werk.
Gegewe die amptelike diensbillikheidsbeleid van Media24, sal voorkeur gegee word aan geskikte kandidate uit die aangewese groepe.
HOOFVERANTWOORDELIKHEDE: • Bestuur en skakel met skrywers (intern en ekstern) oor alle redaksionele aspekte • Genereer en help ontwikkel storie-idees relevant tot die teikenmark • Oorsig oor die opdraggewing en bestuur van die glansinhoud • Skep van redaksionele idees en bronartikels • Skryf artikels oor ’n verskeidenheid onderwerpe in ooreenstemming met die tydskrif se styl • Evalueer en redigeer artikels om te verseker dat dit in lyn is met die inhoud, aard en styl van die tydskrif • Help die redakteur om die artikels en inhoud van die tydskrif saam te stel • Kommunikeer duidelike instruksies aan verskeie medewerkers en bestuur inhoud tot by voltooiing. • Verteenwoordig die tydskrif by funksies wat binne die tydskrif se bestek val • Neem deel aan en dra by tot strategiese beplanning • Assisteer die redakteur in die implementering van redaksionele beleide en die strategiese visie van die handelsnaam • Help om te verseker dat die handelsnaam binne redaksionele begrotings funksioneer
BEVOEGDHEIDSVEREISTES EN ERVARING • Moet beskik oor minstens vyf jaar ervaring in ’n skryfof tydskrifomgewing • ’nPassie vir die mediabedryf • Basiese kennis van Microsoft Office • Die vermoë om oortyd te werk wanneer spertye dit noodsaak • Uitstekende kommunikasie- en interpersoonlike vaardighede • Kennis van die SA JAGTER/HUNTER-mark en die vermoë om hierdie kennis om te skakel in boeiende redaksionele inhoud • Uitstekende Engelse en Afrikaanse taalvaardighede – moet artikels kan skryf en redigeer in albei tale • ’nBelangstelling in en tegniese kennis van relevante onderwerpe (wild, jag, vuurwapens – veral jaggewere, haelgewere en handwapens toepaslik vir jag – optiese produkte soos teleskope, en ander toerusting relevant tot jag) • Goeie fotografievaardighede (kennis van SLR-tipe kameras en vermoë om foto’s van goeie gehalte te neem)
In ruil vir die suksesvolle kandidaat se dienste bied die maatskappy ’n mededingende vergoedingspakket en lidmaatskap van die aftree- en siekefonds aan persone wat daarvoor kwalifiseer.
Om aansoek to doen vir hierdie pos, stuur asb ’n volledige CV met ’n dekbrief aan koos. barnard@media24.com