KOMPETISIE
Stukke van ’n beskadigde hut, sowel as olifantmis is onlangs tydens die inperkingsperiode langs die Outeniquawandelpad in die Knysnawoud opgemerk. Volgens SANParke kan dit net die werk wees van Oupoot, ’n 46-jarige alleenloperolifantkoei wat haarself in dié gedeelte van die Knysna-woud tuisgemaak het.
Die bewegings van Oupoot is die afgelope 15 jaar deur middel van kamerategnologie gemonitor en desnieteenstaande beweringe van ’n olifantpopulasie in die Knysnawoud, was sy telkens die enigste olifant wat op kamera vasgevang kon word.
Volgens SANParke was Oupoot se bewegings die laaste paar jaar beperk tot inheemse woud- en fynbosgebiede, maar sy het ook dikwels op privaatgrond rondbeweeg in haar soeke na kos.