BARBARA SE PERI-PERI HOENDER

Ek sit my hoender voor met brandrissieolie. As jy hou van kos wat die mond brand, kan jy ’n paar druppels van die olie oor die gaar hoender sprinkel.

GENOEG VIR 4

BRANDRISSIE-OLIE • 125 ML OLYFOLIE • 2 KNOFFELHUISIES, FYNGEKAP • 2 GEEL HABANERO-BRANDRISSIES,

GEHALVEER • 2 ROOI BRANDRISSIES ( bird’s eye chillies) • GROWWE SOUT

• 1 HEEL HOENDER • 125 ML OLYFOLIE • 4 ROOI BRANDRISSIES ( bird’s eye chillies) • 5 KNOFFELHUISIES • SAP VAN 2 SUURLEMOENE • 10 ML WITWYN-ASYN • 5 ML GEROOKTE PAPRIKA • 5 ML SUIKER • SOUT EN VARSGEMAALDE SWARTPEPER • 2 X 225 G-CHORIZOWORSE (CHOURIÇO) • 15 ML OLYFOLIE • 50 G TAMATIEPASTA • 125 ML WITWYN • 1 VARS SUURLEMOEN, IN WIGGIES GESNY

Meng al die bestanddele vir die brandrissie-olie in ’n bakkie. Laat staan oornag in yskas. Plaas hoender in ’n groot bak en bedek met koue water. Laat oornag in yskas. Gooi 125 ml olyfolie, brandrissies, knoffel, suurlemoensap, asyn, paprika en suiker in bak van voedselverwerker. Meng tot gladde marinade. Geur met sout en peper. Sny chorizoworse in die lengte in lang skywe. Verhit die 15 ml olyfolie in ’n pan en braai chorizoskywe sowat 10 minute. Voeg marinade by en braai so 5 minute. Voeg tamatiepasta en wyn by en laat kook sowat 10 minute. Haal af van hitte en laat afkoel. Haal hoender uit water. Sny in 4 porsies. Sny diep kepe in vleis. Plaas hoender in groot plastieksak en gooi marinade met chorizo oor. Maak seker al die hoenderstukke word goed bedek. Vou sak toe. Marineer 1 uur. Verhit oond tot 180 °C. Haal hoender uit marinade en plaas hoender in ’n oondbraaibak. Skep chorizo uit marinade en gooi res van marinade oor hoender. Maak bak toe met foelie en plaas in oond. Oondbak 1½ uur. Haal bak uit oond en haal foelie af. Verhit rooster-element van oond. Bedruip hoender met sous in bak en plaas onder rooster-element. Rooster tot vleis bros is. Verhit ’n riffelpan. Braai chorizo sowat 5 minute weerskante. Rangskik hoender op opdienbord en rangskik chorizo boop. Sit voor met brandrissie-olie en vars suurlemoenwiggies. Ek laat die hoender oornag in water lê om die vleis plomper en sappiger te maak.