Saartjie gee raad

My e-pos het behoorlik gegons van al die lekker kosvrae wat julle ingestuur het. Hier is ’n paar waaruit almal iets kan leer. Stuur nog!

Vir die meeste resepte benodig jy minder as 5 selderystingels.

Geen supermark verkoop seldery in klein hoeveelhede nie. Kan seldery gevries word?

Indien wel, sal dit kraakvars wees wanneer dit uit die vrieskas kom?

Maré van der Walt

van McGregor

SAARTJIE

Ongelukkig is seldery nie een van die groentesoorte wat jy kan vries as jy dit vars en krakerig wil hê nie. Sou jy dit wel vries, is dit net geskik vir stowegeregte soos bredie of sop. Om seldery minstens 3-4 dae langer in die yskas te laat vars bly, kan jy

dit toedraai in foelie.