Italiaanse panettone met vonkelwyn-versiersel

(bl. 17) Hierdie krismiskoek is regtig heeljaar heerlik. Tradisioneel word dit voorgesit met vonkelwyn, maar ek sit die wyn in die versiersel.

Genoeg vir 1 groot pa net tone

80 g rosyntjies 80 g sultanas 45 ml donker rum 100 g versuikerde suurlemoenskil, fyngekap 60 ml louwarm melk 1 x 10 g-sakkie kitsgis 100 g (125 ml) strooisuiker 250 g (270 ml) sagte botter 5 eiers skil van 1 lemoen 500 g (785 ml) broodmeel

BOLAAG 1 eierwit, liggies geklits 100 g gepelde amandels 30 ml strooisuiker 50 ml vonkelwyn 250 ml versiersuiker Plaas rosyntjies, sultanas en rum in pot en bring tot kookpunt. Kook tot al die vloeistof verdamp het. Plaas res van bestanddele vir deeg in menger se bak en knie met deeghaak by hoë spoed tot mengsel in een bal bymekaar kom, sowat 8-10 minute. Plaas deegbal in bak wat gesmeer is met olie en laat rys op warm plek tot dubbel die volume, sowat 40-60 minute. Knie deeg af en vorm in ronde bal. Plaas in patroonkoekpan (volume 2 liter) wat goed gespuit is met kleefwerende kossproei. Laat weer rys tot dubbel die volume, sowat 30 minute. Terwyl panettone rys, verhit oond tot 180 °C. Verf gerysde panettone met eierwit en pak amandels bo-op. Sprinkel suiker oor en bak 25-30 minute of tot goudbruin en gaar. Keer uit en laat afkoel. Meng vonkelwyn en versiersuiker saam tot glad. Skep oor panettone en sit voor.