Spekulaas-koekies
(bl. 19) Haal jou panne uit en begin bak, want hierdie koekies is nommerpas vir die winter (met warm sjokolade, natuurlik)!
Genoegvir24
125 g (135 ml) botter 240 g (300 ml) sagte bruinsuiker 1 eier 235 g koekmeel 3 ml koeksoda 2 ml sout 10 ml fyn kaneel 5 ml fyn droë gemmer 5 ml fyn neut 5 ml fyn kardemom 5 ml fyn naeltjies Klits botter en suiker saam tot lig en romerig. Voeg eier by en klits goed. Sif res van bestanddele by en meng tot sagte koekiedeeg vorm. Laat rus in yskas vir 1 uur. Verhit oond tot 180 °C. Sprinkel koekmeel op werkvlak en rol deeg uit tot sowat 5 mm dik. Druk vorms van jou keuse uit met koekiedrukkers of gebruik ’n spekulaas-vorm (kyk by bakwinkels). Plaas koekies op bakplaat wat uitgevoer is met bakpapier. Bak 10-12 minute of tot goudbruin en gaar. Laat afkoel en sit voor met warm sjokolade.